Ötən gün Xiaomi 12 Lite 5G modeli barədə xəbəri oxumuşdunuzsa firmanın yeni yay təqdimatına hazırlaşdığından bəhs etmişdik. Təsadüfə baxın ki, həmin məqalənin üzərindən 24 saat belə keçmədən Xiaomi 12S seriyasının növbəti həftə təqim ediləcəyi məlum olub. Firma adətən Xiaomi 12 seriyasını başdan hazırladığının simvolu olaraq Xiaomi 12 seriyasının sonuna “S” uzantısını əlavə edib. Başdan hazırlanıb dedikdə isə, əlbəttə ciddi mənada cihazların başdan hazırladığını nəzərdə tutmuruq. Vacib xüsusiyyətlər arasında yer alan çipset dəyişikliyi və kameranın paramterlərinin LEICA tərəfindən təkrar optimizasiya edildiyini vurğulamaq istəyirik. 4 iyulda təqdim ediləcək Xiaomi 12S seriyası barədə məlum olan detallara gəlin nəzər salaq.
Xiaomi 12S seriyası 3 yeni modelə sahiblik edəcək
Bu ilin birinci yarısında çıxarılan flaqman smartfonları əldə edən alıcılar biraz “uduzmuş” hesab edilə bilərlər. Çünki, Qualcomm firması yanlış addım ataraq Snapdragon 8 Gen 1 çipsetinin təkmilləşdirilmiş Snapdragon 8+ Gen 1 variantında balansı dəhşətli dərəcədə korlayıb. Normalda Snapdragon 8 Gen 1 çipsetinin tezliyi artırılmalı idi, amma şirkət istehsal prosesinə qədər dəyişiklik edərək bir növ yeni bir çipset yaradıb. Nəticədə 3-4 ay əvvəl Snapdragon 8 Gen 1 ilə təchiz edilmiş cihazlar xeyli geri qalır. Həm performans, həm enerji sərfiyyatı cəhətdən Snapdragon 8+ Gen 1 ilə aralarında ciddi fərq var mövcuddur.
Əksər brendlər bu səbəblə daha güclü texniki xüsusiyyətlərə sahib cihazlarını bu ilin ikinci yarısına saxlamışdı. Xiaomi-nin də həmin brendlərə aid edilməsi mümkündür. Firma dekabr ayında təqdim etdiyi Xiaomi 12 və Xiaomi 12 Pro modellərini yenidən modifikasiya dəyişikliyindən keçirib. İddialara görə bu cihazlara quraşdırılmış Snapdragon 8 Gen 1 çipseti, TSMC istehsal prosesinə sahib Dimensity 9000 və Snapdragon 8+ Gen 1 ilə dəyişdiriləcək. Bu dəyişiklikdən əlavə LEICA ilə əməkdaşlığa başlayan Xiaomi kamera konfiqurasiyasında da LEICA texnologiyalarını tətbiq edəcək. Beləliklə yenilənmiş smartfonlar Xiaomi 12S və Xiaomi 12S Pro adlandırılacaq.
Xiaomi 12 Ultra isə tamamilə TSMC əsaslı Snapdragon 8+ Gen 1 çipsetli yeni bir cihaz kimi sonraya saxlanılmışdı. Lakin Xiaomi 12 seriyasının Xiaomi 12S seriyası kimi yenilənməsi deyəsən, Xiaomi 12 Ultra modelinin də adına təsir göstərib. Şirkət Xiaomi 12 Ultra modelinin adını Xiaomi 12S Ultra olaraq yeniləyib. Smartfonların texniki xüsusiyyətlərini bu dəfə gizli saxlamağı bacaran Xiaomi, sızıntıların qarşısını müəyyən qədər ala bilib.
Lakin yenə də deyilənlərə görə Xiaomi 12S Ultra modelində 6.73 düym LTPO AMOLED ekran quraşdırılacaq. IMX 9 seriyası 50MP əsas, 48MP ultra-geniş bucaqlı, 48MP periskopik telefoto (5x) tipli kamera parametrlərinə sahib olacaq. Hələlik verəcəyimiz məlumatlar bu qədərdir. Smartfonlar barədə təqdimatdan sonra daha ətraflı detalları sizlərlərlə bölüşəcəyik.
