Android smartfon istehsalçıları hər 3-6 aydan bir yeni smartfon çıxarırlar. Smartfonların sıxlıqla təqdim edilməsi və üstəlik müxtəlif qiymət səviyyələrinə xitab etməsi isə istehsalçılara bəzi çətinliklər yaradır. Mövzumuza bağlı olaraq bizi maraqlandıran əsas çətinlik isə proqram təminatı cəhətdən olacaq. Model sayı nə qədər çoxdursa, uyğun olaraq müxtəlif çipsetlər və texniki özəlliklərə görə interfeysin, əməliyyat sisteminin optimallaşdırılması çətinləşir. Bunun üçün daha çox qaynaq və vaxt tələb olunur. Optimizasiyalar özü də proqram təminatı ilə bağlı göndərilmiş yeniləmələr hesabına həyata keçirilir. Eyni zamanda təhlükəsizlik boşluqlarının qapadılması təmin edilir. Bütün şirkətlər yeniləmələrə eyni dərəcədə diqqət göstərmir. Lakin istifadəçilərin iradları istehsalçıların bu işə daha məsuliyyətli yanaşmasına müsbət təsir göstərir. Xiaomi şirkəti də son vaxtlar çıxardığı bəzi flaqman smartfonlarda Android yeniləməsi dəstəyini 3 ilə qədər artırıb. Lakin təəssüf ki, ötən gün paylaşılmış siyahıda 10 köhnəlmiş modelin Xiaomi yeniləmə dəstəyini dayandırır.
Xiaomi hansı modellərin yeniləmə dəstəyini dayandırır?
Siyahıya əlavə edilmiş 10 modeli bəlkə də çoxlarınız hal-hazırda istifadə edirsiniz. EOS (End-of-Support) olaraq adlandırılmış siyahıda yeniləmə dəstəyi kəsilmiş 10 modeldən beşi Redmi brendinə məxsusdur. Həmin Redmi istehsalı olan cihazlar Redmi K20, Redmi Note 7, Redmi Note 7S, Redmi Note 7 Pro, Redmi 7 modelləridir. 3 il əvvəl çıxarılmış bu cihazlardan Redmi K20 xaric digərləri sırf qlobal bazar üçün nəzərdə tutulmuşdu. Bu dəqiqə də tanıdıqlarınızın əlində adı çəkilən smartfonları görə bilərsiniz. Redmi K20 isə qlobal bazarda Mi 9T seriyası kimi çıxış etmişdi. Qəribədir ki, Redmi K20 siyahıda qeyd edilsə də Mi 9T qeyd edilməyib.
Yerdə qalan 5 Xiaomi brendinin özünə məxsus modellərə Mi Pad 4, Mi Pad 4 Plus, Mi Play, Mİ 9 SE aiddir. Planşetləri və Mi Play modelini kənara qoysaq Mi 9 SE modelini istifadəçilər hələ də sevərək işlədir. Təəssüf ki, təqribi 3 yaşında olan bu smartfon üçün də Xiaomi yeniləmə dəstəyini dayandırır. Nəticə etibarilə qeyd etdiyimiz smartfonlar bundan sonra təhlükəsizlik yeniləməsi belə almayacaqlar.
