Panasonic şirkəti ekstremal şərtlərdə istifadə üçün Toughbook Noutbuk xəttinə Panasonic Toughbook 40 modelini əlavə edib. Bu modelin hazırlanmasında ABŞ federal və kəşfiyyat agentliklərinin istəkləridə nəzərə alınıb və əlavələr olub. Bu səbəbdən bu model çox möhkəm və eyni zamanda çox yüngül alınıb. Toughbook 40 modelinin çəkisi 3,3 kg , ekran diaqonalı isə 14 düym təşkil edir.
Eyni zamanda Panasonic şirkətinin yeni Noutbuk modeli casus Secure Wipe funksiyasını dəstəkləyir. Bunun hesabına istifadəçi quraşdırılmış sərt diski bir neçə saniyə ərzində məlumatları silə bilər.
Toughbook 40 modelinin əsas özəllikləri
Panasonic Toughbook 40 modeli ABŞ Ordusunun MIL-STD-810H və MIL-STD-461H hərbi standartlarına cavab verir. Həmçinin IP66 su və tozdan qorunmanı dəstəkləyir. Korpus isə maqnezium əsasında ərintidən hazırlanıb və xarici girişlərdə qoruyucular quraşdırılıb.
Ekranın parlaqlığı 1200 nit-ə qədər qaldırılıb və istənilən şəraitdə cihaz rahat şəkildə istifadə oluna bilər. Dinamiklər maksimal 95 dB həcmə malikdir. Bu modelin toxunma panelinin sensoruda yenilənib və yağışın altında rahat istifadə üçün uyğunlaşdırılıb.
Yeni noutbuk 8 moduldan ibarətdir
Panasonic Toughbook 40 modeli 8 moduldan ibarətdir. Buraya batareya, daxili yaddaş, operativ yaddaş, genişləndirmə plataları və klaviatura daxildir. Bunun hesabına istifəçilər özlərinə və iş şəraitlərinə uyğun olaraq konfiqurasiyalar seçə və yaxud sıradan çıxan modulları tez dəyişə bilərlər.
Noutbukun sistem seçimi genişdir. istənilən AMD və yaxud Intel prosesoru, özünüzə uyğun yaddaş parametrləri, əlavə bağlantı modulları və xüsusi cihazlar və komponentlər quraşdırmaq mümkündür. Cihazın əlavə 4 genişləndirmə sahəsi var. Ön, arxa, sağ və sol hissəsində. İki ədəd batareya ilə Toughbook 40 modeli 36 saat rahat şəkildə işləyə bilər.
Digər texniki xüsusiyyətləri
Panasonic Toughbook 40 modelinin digər texniki göstəricilərinə 64 GB qədər operativ yaddaş, 3 TB qədər daxili yaddaş, dörd ədəd mikrofon, rəng seçimi imkanı ilə işıqlandırılmış klaviatura, ikili SIM-kart (fiziki + eSIM) əlavə edilə bilər.
Panasonic bu modelində istifadəçilərə eyni zamanda 4G və 5G şəbəkələrindən istifadə imkanını yaradıb. 4G modemi 2 Gbt/s qədər, 5G modem 5,5 Gbt/s sürət ilə 5G Sub6, C-band və mmWave dəstəkləyir.
