Cambridge Universitetinin alimləri apardıqları təcrübələr əsasında fotosintez edərək enerji saxlaya bilən və günəş işığını saxlayıb işləyə bilən kompüter hazırlayıblar. Daha az enerji sərf edərək daha çox işləyə bilən batareyalar hazırlamaq, üzərində ən çox araşdırma və tədqiqatların aparıldığı mövzulardan biridir. Beləliklə, alimlər fotosintez yolu ilə enerji saxlaya bilən və işləmək üçün az enerji tələb edən kompüter hazırlamağa nail olublar.
Fotosintez edərək enerji saxlayan kompüteri necə hazırladılar?
Cambridge Universitetinin tədqiqatçıları mavi-yaşıl yosunlar kimi tanınan siyanobakteriya koloniyasını AA batareya ölçülü metal qaba yerləşdiriblər. Daha sonra bu metal konteyner, fotosintez edə bilən və ARM Cortex-M0+ çipini gücləndirərək elektrik cərəyanı yarada bildiyi pəncərənin üstünə yerləşdirilib. Təbii ki, bu sistem hazırda konseptual mərhələdədir. Ancaq alimlər gələcəkdə yosunlarla işləyən çiplərin cihazlarda istifadə ediləcəyinə ümid edirlər və bu üsulu təkmilləşdırməyə davam edirlər.
Fotosintez edərək uzun müddət enerji saxlayan kompüter daha əlverişlidir.
Alimlər bildirib ki, bu üsul ənənəvi batareyalar və günəş enerjisi ilə müqayisədə daha əlverişlidi. Əsas üstünlüyü isə odur ki, yosun batareyası ətraf mühitə daha az zərər verir. Araşdırmalar zamanı yosunlarla işləyən ARM çipi saatda 0,3 mikrovat enerji sərf edərək çox sadə hesablamalar aparmaq üçün istifadə edilib. Adi kompüterlərin enerji istifadəsi iş yükü və s. kimi amillərdən asılı olaraq dəyişsə də, bu kompüteri işlətmək üçün lazım olan elektrik enerjisi miqdarı çox azdır. Əgər bir bənzətmə etsək, bir masaüstü kompüter saatda 100 vatt enerji istehlak edirsə, onu işə salmaq üçün təxminən 333.000.000 yosun batareyası lazımdır. Tədqiqatın baş müəllifi, professor Christopher yosun batareyaları haqqında bu sözləri deyib: “Fotosintetik cihazımız batareya kimi tükənmir, çünki enerji mənbəyi kimi daim işıqdan istifadə edir.” Cambridge Universitetinin mövzu ilə bağlı dərc etdiyi məqalə ilə aşağıdakı linkdən tanış ola bilərsiniz.
Bəs siz bu barədə nə düşünürsünüz? Yosun batareyalara keçməyin yaxın gələcəkdə mümkün olacağına inanırsınız? Fikirlərinzi bizimlə bölüşə bilərsiniz.
