Tədricən smartfon istehsalçıları bazardakı mühüm məshullardan birinə çevrilən qatlanan smartfon konseptini mənimsəməyə başladılar. Bir neçə gün öncə Samsung şirkətinin ən yeni məhsullarından biri olan və yeni nəsil cihazlar üçün hazırladığı Flex Hybrid OLED ekranı barədə xəbəri sizinlə bölüşmüşdük. Bu ekran texnologiyasında Samsung şirkəti öndə olsa belə, rəqiblərin sayı gün keçdikcə artmaqdadır. Apple markasının da uzana və qatlana bilən smartfon istehsaletməsi istifadəçilər tərəfindən gözlənilir. Lakin Techo bu mövzuda olduqca sürətli addım atdı. Beləl ki, Tecno brendi də qatlana bilən smartfon üzərində işlədiyini elan edib. Lakin qatlanan ekran paneli, eyni zamanda Samsung şirkətinin bu yaxınlarda nümayiş etdirdiyi həm qatlanan, həm uzanan ekran konseptinə daha yaxındır. Yəni, Tecno Phantom Vision V modeli həm bükülür, həm də uzanır. Beləliklə, bu model dizaynı və həmçinin müəyyən xüsusiyyətləri ilə rəqiblərindən fərqlənməyi bacarıb.
Açıldıqda 8 düym olduğu təxmin edilən daxili ekran, genişləndirildikdə 10,1 düymə çatır. Bununla, standart planşet ölçüsünü ala bilir. Smartfonu rəqiblərindən fərqləndirən bir digər xüsusiyyəti də budur ki, xaricdən ümumi istifadə üçün ekran olsa da, kamera adasının bir az altında kiçik bir ekran köməkçi ekran da yerləşdirilib. Bu isə ekrana gələn bildirişləri və müəyyən proqramlar üçün nəzərdə tutulub. 11 fərqli qatdan ibarət ekranı texnologiyasını özündə birləşdirən Tecno markasına məxsus sözügedən model dayanıqlılıq baxımından xüsusi titan konstruksiyaya malik olacaq. Qeyd edək ki, modelin videosu yayımlanmış olsa da, Tecno hələ rəsmi olaraq bu konsepsiyanın texniki xüsusiyyətlərini ictimaiyyətə açıqlamayıb. Eyni zamanda cihazın satışa çıxarılması ilə bağlı dəqiq bir məlumat yoxdur.
