Mobil Dünya Konqresi (MWC) 2025 çərçivəsində Samsung Display Flex G adlı uzun müddətdir işlənib hazırlanmış üçə qatlanan smartfon konseptinin daha yığcam versiyalarını təqdim edib.
Qeyd edək ki, “Asymmetric Flip” adlanan yeni konsept Galaxy Z Flip seriyasının əsas dizayn konsepsiyasını qoruyur və bir yerinə iki qatlama nöqtəsinə malikdir. Daha bir fərqli konsept isə Galaxy G Fold-un buraxılacağı ilə bağlı şayiələr arasında ortaya çıxan Huawei Mate XT-yə bənzər smartfon olub. Galaxy Z Flip-in əsaslandığı Flex G konsepti Asimmetrik Flip yanaşmasından istifadə edir. Asimmetrik Flip əsasən Galaxy Z Flip 6-nın xarici dizaynına sadiq qalır. Lakin bu yeni konseptin örtük ekranı yoxdur. Ən diqqət çəkən cəhətlərdən biri odur ki, o, ənənəvi qapaqlı qatlana bilən telefonlarda görünən mərkəzi bükmə işarəsini aradan qaldıra bilər. Lakin hazırkı prototip bağlandıqda boşluq buraxır ki, bu da kommersiya məhsulunun davamlılığı ilə bağlı suallar yarada bilər.
Bundan əlavə, smartfon bağlı olduqda hazırkı Galaxy Z Flip modellərindən daha hündür forma faktoruna sahib olmaq cihazın kompakt təbiətini qorumaq məqsədinə əks təsir göstərə bilər. Samsung-un bu il Huawei Mate XT-ə cavab olaraq üç qatlı telefon təqdim edəcəyi gözlənilir. Bu çərçivədə Samsung Display, Galaxy G Fold-a əsaslandığı deyilən Flex G-nin yeni versiyasını nümayiş etdirib. Bu ikinci Flex G konseptinin daha az ekran qırışları və daha incə çərçivələrlə kommersiya məhsulu olmağa daha yaxın olduğu deyilir. Bundan əlavə, Samsung Display, bu dəfə One UI kimi görünən interfeyslə, həmçinin Samsung Qalereya proqramı və YouTube ilə birlikdə Flex G-ni nümayiş etdirib. Ümumiyyətlə, yeni ortaya çıxarılan konseptlər, Samsung Display-in yalnız böyük qatlana bilən qurğular üçün deyil, həm də flip telefon modelləri üçün üçqat displeylər hazırladığını təsdiq edir. Lakin burada mühüm bir detal var: “Samsung Display” məhsullarını birbaşa istehlakçılara təqdim etməyən bir istehsalçı olduğu üçün Asymmetric Flip və digər məhsulların satışa çıxarılması haqqında heç nə demək mümkün deyil.
