Samsung bu dəfə televizor sənayesində ciddi yeniliklər edib. Belə ki, cənubi koreya mərkəzli texnologiya nəhəngi Samsung indi həm oyun monitoru həm də televizor olan və parıltını azaldan S95D adlı OLED TV təqdim edib. Samsung şirkətinin üçüncü nəsil QD-OLED televizoru olan yeni S95D sələfləri ilə müqayisədə özünəməxsus xüsusiyyətlərə sahib olub. İndi yeni televizor narahatedici parıltını aradan qaldırır və istifadəçilərin rahatlığını təmin edir. Beləliklə, artıq günəşli gündə televizora baxarkən istifadəçilər parıltı tərəfində heç bir maneəyə rast gəlməyəcək.
Parıltı əleyhinə hazırlanan ekran örtükləri əslində televizorlarda heç də yeni bir şey deyil. Belə ki, Samsung-dan əlavə Sony və LG də daha əvvəl bu texnologiyadan istifadə edib. Lakin bu dəfə Samsung bu texnologiyanı daha da təkmilləşdirərək heç bir rəng təhrifi və ya baxış bucağından asılı olmadan parıltının azalmasını təmin edib. Qeyd edək ki, yeni televizor S95D sələfi kimi 77 düymədək ölçülərə sahib olub. O cümlədən yeni model 144 Hz-ə qədər yeniləmə sürətinə malikdir. Həmçinin yeni OLED TV süni intellekt ilə gücləndirilmiş rəng dəqiqliyinə malik olub.
Ümumiyyətlə OLED Glare Free texnologiyası əsasən televizorlarda mövcud olan günəş şüaları nəticəsində ekranın az görünməsi problemini yoxa çıxarır. Daha əvvəl də bu texnologiya istifadəyə verilsə də, bəzən baxış bucağından asılı olaraq bir sıra problemlər meydana gələ bilirdi. İndi isə samsung brendi bütün mənfi cəhətləri aradan qaldırmaqla texnologiyanı təkmilləşdirməyi bacarıb və bunu S95D modeli ilə bizlərə təqdim edib. HDR10 və HDR10 Plus kimi xüsusiyyətlərə və QD-OLED görüntü keyfiyyətinə sahib olan televizor eyni zamanda oyun monitoru olaraq da istifadə oluna bilər.
