Samsung şirkətinin tezliklə təqdim edəcəyi qatlana bilən smartfon Galaxy Z Fold 6 seriyasının ABŞ qiyməti açıqlanıb. Əvvəlki modeldən daha bahalı olacaq smartfonun 1900 dollar başlanğıc qiymətinə sahib olması gözlənilir. Ümumiyyətlə, yeni modelin gözləniləndən daha baha qiymətə təklif edilməsi qaçınılmazdır.
Qeyd edək ki, Samsung iyulun 10-da keçiriləcək Galaxy Unpacked tədbirində 6-cı nəsil qatlana bilən smartfonu Galaxy Z Fold 6, Galaxy Z Flip 6, Galaxy Ring və Galaxy Buds 3 kimi cihazlarını təqdim edəcək. Telefonla bağlı bir çox təfərrüatlar açıqlansa da, qiymətlərlə bağlı məlumat ilk dəfə olaraq ortaya çıxıb. Məhsulları müqayisə edən məşhur sayta Smatprix, Galaxy Z Fold 6 modellərinin ABŞ qiymətlərini dərc edib. Bu qiymətlərə görə, yeni modelin Galaxy Z Fold 5-dən bir qədər baha (təxminən 100 dollar) olacağı görünür. Xəbərə görə, Galaxy Z Fold 6 üç fərqli yaddaş variantı ilə təqdim olunacaq: 256GB, 512GB və 1TB.
Galaxy Z Fold 6-nın 128 GB, 256 GB və 512 GB yaddaş variantlarının ABŞ-da müvafiq olaraq 1900, 2020 və 2260 dollar qiymət etiketi olacaq. Dünyanın digər bazarlarında qiymətlər dəyişə bilər. Əlavə olaraq qeyd edək ki, Galaxy Z Fold 6, Galaxy S24 Ultra-nı xatırladan daha kvadrat dizaynı qəbul edəcək və Fold 5 ilə müqayisədə daha sərt künclərə sahib olacaq. Əvvəlki modeldən bir qədər böyük ekranla gələcək smartfon Snapdragon 8 Gen 3 prosessoru ilə təchiz ediləcək. Habelə, 239 qram ağırlığında olduğu bildirilən Z Fold 6, sələfindən 14 qram yüngül olacaq.
