Ötən günlərdə təqdim edilən iOS 18 əməliyyat sistemi bərabərində gətirdiyi bir çox süni intellekt xüsusiyyətləri ilə yanaşı bəzi təkmilləşdirmələr də əldə edib. Belə ki, bunlardan biri də məhz iOS 18 sisteminin batareya ömrünü qorumaq üçün şarj limiti təklif etməsidir. Qeyd edək ki, bu xüsusiyyət iPhone 15 seriyası üçün eksklüziv olacaq.
![iOS 18 şarj limiti](https://tedroid.com/media/2024/06/ios-18-batareya-sarj-limiti.webp)
iPhone 15 üçün yeni şarj limitlərinə əlavə olaraq, iOS stifadəçinin vərdişlərinə əsaslanaraq batareyanın ömrünü qorumaq üçün şarj limitləri barədə tövsiyələr edəcək. Bu funksiya iPhone 15, 15 Plus, 15 Pro və 15 Pro Max modelləri ilə məhdudlaşacaq. Xatırladaq ki, İOS 18-dən əvvəl iPhone 15-də smartfonun 80%-dən yuxarı doldurulmasına mane olan bir parametr var idi. iOS 18 ilə 85%, 90% və 95% batareya limiti variantları da əlçatan olub. Beləliklə, ən uyğun variant hansıdır? Yeni iOS versiyası istifadəçiyə optimal şarj limitini müəyyən etməyə kömək edən tövsiyələr verir. Bildirişdən əlavə, Apple-ın tövsiyəsini Parametrlər tətbiqində Batareya – Şarj bölməsində də görmək olar.
Hesabatlar göstərir ki, iOS 18 bəzi cihazların maksimum batareya tutumunu yenidən kalibrləyə bilər. Parametrlər – Batareya – Batareya Sağlamlığı altında yerləşən Maksimum Tutum, cihazın yeni olduğu dövrlə müqayisədə batareya tutumunun ölçüsünü əks etdirir. Bu tutum azaldıqca cihazı daha tez-tez doldurmaq lazımdır. iOS 18 iPhone XS və XR kimi çox köhnə modellərə gəlsə də, şarj limiti və Apple Intelligence kimi bəzi xüsusiyyətlər iPhone 15 Pro-ya olaraq qalır. Qeyd edək ki, hazırda iOS 18 Beta istifadəçilər üçün əlçatan edilib. Lakin, bu yenilənmədən istifadə edənlər əsasən cihazlarında şarj problemlərinin olduğunu bildirir.