Samsung yeni təqdim edəcəyi Galaxy Watch 6 ağıllı saatları ilə istifadəçilərə yemək və sular da daxil olmaqla hərşeyin temperaturunu ölçməyə imkan verəcək. Belə ki, texnologiya nəhəngi bu gün bir çox yeni proqramını təqdim edib. Bunlardan biri də yeni Thermo Check proqramıdır. Qeyd edək ki, bu proqram yeni ağıllı saat sahiblərinə temperaturu dəqiq ölçməyə imkan verəcək. Bundan əlavə qida, suyun və digər əşyaların temperaturunu ölçmək mümkün olacaq. Ümumiyyətlə Samsung yeni ağıllı saatlarında temperatur ölçməyin zirvəsinə çatıb.
Bir çox istifadəçi ağıllı saatlardan gündəlik hərəkətlərini izləmək üçün istifadə edir. Bəziləri isə öz temperaturlarını izləmək üçün və ya digər səbəblərdən istifadə edir. Müasir dövrdə bir çox ağıllı saat modeli temperatur sensorlarına malikdir. Hətta bura Samsung brendinin Galaxy Watch 5 modeli də aiddir. Lakin texnologiya nəhənginin yeni təqdim edəcəyi Galaxy Watch 6 ağıllı saatı temperatur tənzimləmə proqramı olan Thermo Check ilə bu funksiyanı təkmilləşdirəcək. Beləliklə istifadəçilər sadəcə öz temperaturlarını deyil, istədikləri bir çox əşyanın o cümlədən qida və suların da temperaturunu ölçə biləcək.
Maraqlısı budur ki, yeni ağıllı saat ilə ətrafdakı əşyaların temperaturunu ölçmək üçün heç bir fiziki təmasa ehtiyac olmayacaq. Məsələn istifadəçilər dənizə və ya hovuza girmədən suyun istiliyini və ya yeməyin temperaturunu infraqırmızı sensorlara sahib olan ağıllı saat vasitəsi ilə ölçə biləcəklər. Bundan əlavə bu xüsusiyyət brendin əvvəlki nəsil Galaxy Watch 5 modellərinə də əlavə ediləcək. Qeyd edək ki, Thermo Check proqramı iyulun 26-da təqdim ediləcək. Bu tətbiq əvvəlcə Galaxy Watch 6 modelləri üçün əlçatan olsa da, daha sonra Galaxy Watch 5 və Watch 5 Pro modelləri üçün də istifadəyə veriləcək.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
