Samsung-un Galaxy S25 seriyalı smartfonlarını da təqdim edəcəyi Unpacked 2025 tədbirinin tarixi məlum olub. Belə ki, böyük maraqla gözlənilən tədbirin 22 yanvar tarixində keçiriləcəyi iddia edilib.
Bildiyimiz kimi, Samsung, yeni süni intellekt inkişafları və yüksək səviyyəli cihazları təqdim edəcəyi Unpacked 2025 tədbirinə hazırlaşır. Ən son məlumatlara görə isə, bu möhtəşəm tədbirdə Galaxy S25 seriyası, Galaxy XR qulaqlıqları və One UI 7 yenilikləri nümayiş etdiriləcək. Tədbirin tarixi, yeri və başlama təfərrüatları da daxil olmaqla bir sıra məlumatlar ortaya çıxarılıb. Yeni hesabatda bildirilir ki, Samsung Galaxy Unpacked tədbiri 22 yanvar 2025-ci ildə San Jose şəhərində keçiriləcək. Habelə, tədbir Bakı saatı ilə 22-00-da canlı yayım ilə başlayacaq.
Ümumiyyətlə, Samsung bu tədbirdə təkcə Galaxy S25, S25+ və S25 Ultra-nı təqdim etməyəcək. O, həmçinin bu yaxınlarda elan edilmiş Android XR qulaqlıqlarının (Project Moohan) xüsusiyyətlərini göstərəcək və təqdimat tarixi və qiyməti kimi digər maraqlı detalları paylaşacaq. Bundan əlavə, Samsung S25 seriyasına quraşdırılacaq One UI 7 rəsmi olaraq təqdim ediləcək. Qeyd edək ki, daha əvvəl yeni Samsung Galaxy S25 seriyasının təqdimat tarixi açıqlanmamış qiymətləri barədə məlumatlar ortaya çıxmışdı. Belə ki, məlumata görə Samsung Galaxy S25 Almaniyada 128 GB üçün 899 avro və 256 GB üçün 959 avro qiymətinə satılacaq. Galaxy S25 Plus modeli Almaniyada 256 GB üçün 1149 avro və 512 GB üçün 1269 avro qiymətinə satılacaq. Almaniyada Galaxy S25 Ultra modeli üçün 256 GB üçün 1449 avro, 512 GB üçün 1569 avro və 1 TB yaddaşa malik yuxarı versiya üçün 1809 avro ödəmək laızm gələcək.
