Beləliklə Samsung şirkətinin yeni Galaxy S24 seriyasında Exynos çipsetlərindən istifadə olunacağı dəqiqləşib. Xatırladaq ki, ötən il Galaxy S23 seriyasında koreyalı nəhəng ilk dəfə olaraq sadəcə Snapdragon çipsetlərindən istifadə etmişdi. İndi isə koreyalı smartfon nəhəngi fikrini dəyişərək Exynos çipsetlərindən istifadə edəcək. Hətta bu barədə ötən aylarda şirkətdəki vəzifəli şəxslərdən biri olan Hyeokman Kwon açıqlama vermişdi. Kwon Exynos çipsetlərinin Galaxy S seriyasını geri qayıdacağı barədə məlumat vermişdi.
Əslində bu heç də sürpriz deyil, çünki daha əvvəl də şirkətin exynos çipsetlərindən istifadə edəcəyi iddia olunmuşdu. İndi isə Galaxy S24 seriyasında Exynos çipsetlərinin istifadə olunacağı dəqiqləşib. Bunun barədə ən etibarlı analitiklərdən olan Ice Universe məlumat verib. O bildirib ki, “Eynos 2400 çipsetinin 100% zəmanət verə bilərəm. Bu çipsetin Avropa və Asiyanın bir hissəsində satışa çıxacaq smartfonlarda istifadə edilməsi gözlənilir”. Ümumiyyətlə Galaxy S23 seriyasında ancaq Snapdragon çipsetindən istifadə olunması özünü doğrultmadı. Bu addım bir çox istifadəçini sevindirsə də, artıq texnologiya nəhəngi Exynos çipsetlərinə geri qayıdıb.
Beləliklə Exynos çipsetləri gələn ilin əvvəlində təqdim ediləcək Galaxy S24 seriyasında istifadə olunacaq. Bundan əlavə ölkəmizdə də, çox güman ki, Exynos əsaslı S24 modelləri bazara çıxarılacaq. ABŞ və digər bazarlarda isə Snapdragon 8 Gen 3 çipsetli modellər satışa çıxarılacaq. Qeyd edək ki, Exynos 2400 çipseti bu ilin sonunda təqdim ediləcək. Lakin yeni çipsetin Snapdragon 8 Gen 3 ilə rəqabət apara biləcəyi gözlənilmir. Əlavə olaraq qeyd edək ki, Galaxy S24 Plus və Galaxy S24 Ultra modellərinin batareya həcmləri də məlum olub. Belə ki, smartfonlar müvafiq olaraq 4900 mAs və 5000 mAs batareya həcminə sahib olacaq. Xatırladaq ki, Galaxy S23 Plus və Ultra modelləri 4700, 5000 mAs batareya həcminə sahib olmuşdu.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
