Samsung şirkəti, Galaxy S24 seriyası ilə birlikdə təqdim edilən Galaxy AI diapazonunu genişləndirir. Belə ki, Cənubi Koreyalı Samsung Galaxy AI xüsusiyyətlərini Mart ayının sonunda daha 9 model üçün əlçatan edəcək. Ümumiyyətlə, dekabr ayında Samsung Galaxy S24 seriyasının təqdimat mərasimində Galaxy AI ilə bağlı bütün detalları açıqlamışdı. Süni intellekt tərəfində bir çox yenilik edən Galaxy AI hətta yeni Galaxy S24 seriyasının AI Phone adlanmasına da imkan vermişdi.
Daha əvvəl Galaxy AI xüsusiyyətlərinin sadəcə Galaxy S24 seriyası ilə məhdudlaşmayacağı barədə məlumat verilmişdi. Lakin bu xüsusiyyətlərin digər cihazlara nə zaman təqdim ediləcəyi məlum deyildi. İndi isə Samsung Galaxy AI üçün Mart ayının sonunu işarə edib. Xatırladaq ki, Galaxy AI yeni flaqman smartfon üçün kamera, divar kağızı, tərcümə və digər bir çox tərəfdə dəstək olmuş və onu təkmilləşdirmişdi. Habelə gecə çəkilişi adlı yeni funksiya ilə daha az işıqlı fotoşəkilləri süni intellekt ilə emal etmək mümkün olmuşdu. Məhsuldar tənzimləmə adı ilə təklif olunan bu funksiyalar əsasən şəkillərin daha da təkmilləşməsi üçün nəzərdə tutulmuşdu. Bundan əlavə canlı tərcümə adlı yeni funksiya kamera, klaviatura və ya mesajlaşma tətbiqlərindən istifadə edərək smartfonunuzda canlı olaraq tərcümələr həyata keçirirdi.
Mart ayının sonunda Galaxy AI xüsusiyyətləri əldə edəcək cihazlar:
- Galaxy S23
- Galaxy S23+
- Galaxy S23 Ultra
Galaxy S23 FE - Galaxy Z Flip 5
- Galaxy Z Fold 5
- Galaxy Tab S9
- Galaxy Tab S9+
- Galaxy Tab S9 Ultra
