Sabrent 64 TB-lıq yüksək tutuma malik yaddaş üçün səkkiz 8 ədəd 8TB “PCIe 4.0 SSD” yuvası istifadə edən yeni Rocket 4 Plus Destroyer 2-ni təqdim edib. Bazarda PCIe 4.0 NVMe SSD-ləri təqdim edən ilk şirkət olan Sabrent, hal-hazırda Sabrent’s Rocket 4 Plus modelinin 8TB variantını endirimlə 1499 dollara təklif edir. Yeni hazırlanmış 64TB variantı isə nə az, nə çox tam olaraq 16.000 dollar qiymət etiketinə sahibdir.
Rocket 4 Plus Destroyer 2, şirkətin hazırladığı Rocket 4 Plus Destroyer-in yeni nəsil versiyasıdır. Rocket 4 Plus Destroyer 2, səkkiz ayrı M.2 yuvasının işlədilməsində Broadcam PCle 4.0 seriyası PEX açarından istifadə edir. M.2 yuvası tək və ya cüt tərəfli olmasına baxmayaraq M.2 2242, 2260, 2280 tipli SSD-ləri quraşdırmağa imkan verir. Ötürmə sürəti 28.000 MBps limitini keçdikdə xüsusi soyutma texnologiyası ilə temperatur nəzarətdə qalacaq.
Rocket 4 Plus Destroyer 2 tək yuvalı konfiqurasiya malikdir. Tipik PCIe 4.0 x 16 ilə uyğundur. Yeni Rocket 4 Plus Destroyer 2 tələb olunan gücü 8 M.2 yuvasına çatdırmaq üçün tək 6 pinli xarici PCIe güc konnektoru tələb edir.
Sabrent’s Rocket 4 Plus Destroyer 2 performans və ya təhlükəsizlik üçün RAID 0, RAID 10 seçimləri arasında müxtəlif RAID konfiqurasiyalarını dəstəkləyir. Şirkətin yeni məhsulu 14K-a qədər video faylları ilə işləyənlər, iş stansiyası və ya server həlləri tələb edən ağır iş yükləri üçün güclü həll tələb edənlərə mükəmməl seçim olacaq. Rocket 4 Plus Destroyer 2 ilə PCIe 3.0 diskləri də daxil olmaqla, PCIe 4.0 dəstəkləyən müxtəlif SSD-lərdən istifadə etməklə istehlakçılar ən yaxşı performansı alacaqlar.
Sabrent, Rocket 4 Plus Destroyer 2-ni istifadəçinin rahatçılığı üçün çox yaxşı təkmilləşdirib. Şirkət bildirir ki, SSD kartını ana lövhədəki müxtəlif PCIe 4.0 x 16 genişləndirmə yuvalarından birinə daxil edib, lazımi drayverləri və RAID (təhlükəsizlik üçün ehtiyat, bərpa yaddaşı) sistemini quraşdırdıqdan sonra sadə bir interfeys ilə sazlama etdikdən sonrakompüter işə hazır olacaq. Bəs siz bu mövzu haqqında nə fikirləşirsiniz? Fikirlərinizi bizimlə bölüşməyi unutmayın.
