Qarşıdan gələn Apple qarışıq reallıq AR/VR eynəyi haqqında çoxdan eşidirik. Lakin buraxılış getdikcə yaxınlaşdıqca, yeni detallar üzə çıxır. Bloomberg-in bu son hesabatı göstərir ki, yeni Apple məhsulu M2 prosessoru ilə gələcək və 16 GB operativ yaddaşa malik olacaq. Apple virtual reallıq eynəklərinin 2023-cü ilin yanvarında, təxminən altı ay sonra rəsmi olaraq təqdim ediləcəyi gözlənilir.
M2 prosessoru və 16 GB operativ yaddaş ilə bu cihaz həddindən artıq yüksək performansa sahib olacaq. İndiyə qədər biz eşitmişik ki, qarışıq reallıq eynəkləri indiki VR eynəklərə bənzəyir. Amma sizi virtual reallıq dünyasına tam salmaq əvəzinə, cihazdakı kameralar ətrafınızdakı real dünyanı virtual bir mühitə çevirəcək. Onu çıxarmağa ehtiyac duymadan ətrafınızdakı dünya ilə rəqəmsal bir əlaqə qura biləcəksiniz.
M2 prosessoru və 16GB operativ yaddaş cihazın bahalı olacağını açıq şəkildə göstərir
Qeyd etməliyik ki, indiyə qədər ortaya çıxmış detallar yeni AR/VR eynəyində M1 tipli üstün imkanlara, yüksək performansa malik bir prosessordan əlavə ikinci dərəcəli fərqli bir prosessorun olacağını da ortaya qoyub. İkinci dərəcəli, daha az performansa və enerji sərfiyyatın sahib prossorun bu cihaza quraşdırılması ehtimalı isə analitiki Ming-Chi Kuo-nun əvvəlki iddiaları ilə ziddiyyət təşkil edir.
Cihazdakı çoxsaylı sensorlardan gələn bütün məlumatların işlənməsi yalnız bir prosessor hesabına işləyəcək. Məhz bu son hesabatda ikili prosessor dizaynından qətiyyən bəhs edilmir. Lakin analitik bunu proqnoz şəklində verdiyindən təxminləri inkar etmir.
İddia edilən M2 prosessoru və 16GB operativ yaddaş birləşməsi də bu cihazın bahalı olacağını açıq şəkildə sübut edir. Bənzər bir prosessora sahib Macbook Air-in qiyməti 1400 dollara başa gəlir. Qarışıq reallıq eynəklərində istifadə edilən tamamilə yeni komponentləri nəzərə alsaq, bütün bu şayiələri özündə birləşdirən ideal bir qiymət etiketi kimi 2000 dollar təxminini edə bilərik. Ehtimallara görə Apple şirkəti eyni zamanda hazırladığı bu bahalı və yüksək performansa sahib AR/VR eynəyinin yanında daha ucuz bir variantı da təqdim edə bilər. Lakin daha ucuz qiymətə satılacaq variantı qarşıq reallıq xüsusiyyəti üçün yox, sadə virtual reallıq eynəkləri kimi təqdim edilməlidir.
