Bu gün Rusiya iqtisadi cəhətdən bir çox sanksiyalara məruz qalsa da, öz yerli smartfonunu təqdim edib. Belə ki, rusiyanın Rosa Mobile əməliyyat sisteminə sahib olan ilk smartfon R-FON təqdim edilib. Rusiyanın sosial şəbəkə və mesajlaşma istifadəçiləri assosiasiyasının yəni APPSIM prezidenti Vladimir Zykov yeni smartfonun şəkillərini və əsas xüsusiyyətlərini ictimaiyyətə təqdim edib. Yeni smartfon Rusiyanın texnologiya sahəsindəki ən böyük uğurlarından biri hesab olunur.
Qeyd edək ki, Rosa Mobile əməliyyat sisteminə sahib olan ilk smartfon modeli yəni R-FON, bütün diqqətləri öz üzərinə cəlb edib. Yeni təqdim edilən modeli 6.7 düymlük ekrana sahib olub. kamera tərəfində isə smartfon 3 kamera sensoruna sahib olub. Hələlik əsas kameranın 50 MP olduğu məlumdur. İki sim kart yuvası, Wifi , Bluetooth və NFC kimi müasir texnologiyalarda smartfonun daxilinə quraşdırılıb. Həmçinin yeni təqdim edilən smartfon bu gün bir çox smartfonda rast gəldiyimiz barmaq izi sensoruna sahib olub. Lakin bu barmaq izi sensoru ekranın altında deyil, smartfonun yan tərəfində quraşdırılıb. USB-C portu və 3.5 mm jack girişi də smartfonun xüsusiyyətləri arasındadır.
Batareya tərəfində isə smartfon 5000 mAs batareya həcminə sahib olub. Həmçinin smartfonun qutusuna naqilli qulaqliq, şarj kabeli və 18 Vt şarj başlığı aiddir. Smartfonun qiyməti isə 40 min rubla yəni 723 manata qədər olacaq. Onu da qeyd edək ki, Rosa Mobile əməliyyat sisteminin istifadəçi interfeysi, parametrləri yenidən işlənib və hazırlanıb.
