Bu dəfə texnologiya sahəsində ilkə LG brendi imza atıb. Belə ki, texnologiya nəhəngi rəqiblərini qabıqlayaraq ilk qatlana bilən ekrandan ibarət LG Gram Fold adlı noutbuk modelini təqdim edib. Xatırladaq ki, daha əvvəl Samsung brendinin də qatlana bilən ekrana sahib noutbuk üzərində çalışdığından xəbər vermişdik. Hətta Apple belə qatlana bilən ekranlı MacBook Fold üzərində işə başlamışdı. Lakin LG bütün rəqiblərini qabaqlayaraq öz kariyerasında ilkə imza atıb.
Onu da qeyd edək ki, daha əvvəl HP brendi də qatlana bilən ekranlı Spectre Fold modelini təqdim etmişdi. Ümumiyyətlə bir çox smartfon və kompüter istehsalçısı qatlana bilən ekranlara üstünlük verir. Onlar düşünür ki, bu ekranlar modellərini daha müasir və bahalı edir. O cümlədən LG brendi də qatlana bilən noutbuku üçün çox yüksək qiymət təyin edib. Belə ki, yeni LG Gram Fold modeli 3729$ başlanğıc qiymətinə sahibdir. Texniki cəhətdən isə yeni noutbuk modeli 17 düymlük 2560×1920 piksel təsvir ölçülü qatlana bilən OLED ekrana sahib olub. Hətta ekran qatlandıqda 12 düym olur.
Bundan əlavə yeni LG Gram Fold modeli 13-cü nəsil Intel i5-1335U prosessoruna sahib olub. 1.25 kq çəkiyə və maksimum 9.4 mm qalınlığa sahib olan noutbuk Dolby Atmos dəstəyinə də sahibdir. O cümlədən noutbuk 65 Vatt sürətli şarj dəstəkləyir. LG iddia edir ki, ekran 30 min dəfəyə qədər heçbir problem olmadan qatlana bilir. Bu isə o deməkdir ki, 4 il boyunca hər gün 20 dəfə ekran qatlanıb-açılsa heçbir problem meydana gəlmiyəcək.
