İlk dəfə 1998-ci ildə buraxılan və yerdən baxıldığında adi gözlə belə görülə bilən bəşəriyyətin orbitdəki evi olan Beynəlxalq Kosmik Stansiya (BKS) artıq ömrünü başa çatdırmaq üzrədir. NASA bu onilliyin sonunda BKS-ni istismardan çıxarmağı düşünür. Bu kontekstdə agentlik Beynəlxalq Kosmik Stansiyanın məhvi planlarını ictimaiyyətlə bölüşdü.
Mövcud siyasətə əsasən, NASA və onun beynəlxalq tərəfdaşlarının əksəriyyəti BKS-nı 2030-cu ilə qədər idarə etməyi planlaşdırır. Bu tarixdən sonra BKS-in əsas strukturu astronavtları təhlükəsiz şəkildə qəbul etməyə davam etmək üçün çox aşınmış olacaq. Əsas məsələ isə 420 tonluq strukturu təhlükəsiz şəkildə utilizasiya etməkdir.
NASA Beynəlxalq Kosmik Stansiyanın məhvi üçün onu daha orbitə itələməyi planlaşdırırdı. Lakin bunun üçün tələb olunan böyük enerji miqdarını və kosmik gəminin parçalanmasına səbəb ola biləcək gərginlikləri nəzərə alsaq, mümkün deyil. Əvəzində NASA BKS-ni idarə olunan şəkildə atmosferə daxil etməyi planlaşdırır, onun havada yanmasına və qalan dağıntıların okeana düşməsinə şərait yaradır.
Daha əvvəl BKS-ni orbitdən çıxarmaq üçün Rusiya robotlaşdırılmış “Progress” yük gəmilərindən istifadə edilməsi nəzərdə tutulurdu, lakin NASA və Beynəlxal Kosmik Stansiya tərəfdaşları tərəfindən bir il davam edən araşdırma “Progress” variantının nəzərdə tutulduğu kimi işləməyəcəyini göstərdi. Rusiyanın 2028-ci ildə stansiyanı tərk etməsinin planlaşdırıldığı və Rusiya ilə digər tərəfdaşlar arasında pisləşən münasibətlərin əvvəlki planı etibarsız hala gətirdiyi də NASA tərəfindən açıqlanmayan faktdır.
NASA-nın verdiyi son açıqlamada stansiyanın orbitdən çıxarılması üçün ABŞ-ın özəl şirkətlərindən kömək alınacaq. Beləliklə, Beynəlxalq Kosmik Stansiyanı təhlükəsiz şəkildə orbitdən çıxaracaq. NASA, Deorbit Vehicle (USDV) kosmik gəmisi üçün təkliflər gözlədiyini də açıqladı. Eyni zamanda, Beynəlxalq Kosmik Stansiyanın məhvi sonrası orbitdə başqa stansiyanın olub-olmayacağı dəqiq deyil. Ancaq 2028-ci ildə planlaşdırılan Starlab kosmik stansiyası kimi özəl təşəbbüslər gələcəkdə BKS kimi həlləri sonlandıra bilər.
