Xiaomi şirkətinin alt brendi olan Poco yeni F5 və F5 Pro modellərini təqdim etməyə hazırlaşır. Poco F5 və F5 Pro modelləri gözləniləndən daha əvvəl anons edilib və Azərbaycan qiyməti məlum olub. 9 May tarixində təqdim edilməsi gözlənilən Poco F5 seriyası artıq anons edilib. Qeyd edək ki. seriyanın yeni F5 və F5 Pro modelləri barədə bəzi məlumatlar da ortaya çıxıb. Smartfon öz qiymətinə görə möhtəşəm performans vədd edir. Ölkəmizdə də maraq cəlb edən seriyanın yeni modellərinin qiyməti məlum olub. Dizayn cəhətdən dəyişməyən F5 modeli sələfindən daha çox performans vədd edir.
POCO F5 və POCO F5 pro modelləri hansı xüsusiyyətlərə sahib olacaq?
İlk öncə onu qeyd edək ki, POCO F5 seriyasına yeni iki model F5 və F5 Pro aid ediləcək. Dizayn baxımından ənənəvi dizaynına sadiq qalan POCO brendi istifadəçilərinə daha üstün performans təklif edir. Hər iki smartfon 8-256GB və 12-256GB yaddaş seçimləri ilə təklif ediləcək. POCO F5 modelinin başlanğıc qiyməti 429 avro olduğu halda POCO F5 Pro modelinin başlanğıc qiyməti 579 avro olacaq. Lakin POCO F5 seriyası smartfonlarının Azərbaycan qiyməti daha fərqli olacaq. Buna birazdan gələcəyik. POCO F5 öz gücünü Snapdragon 7 Gen 2, F5 Pro isə snapdragon 8+ Gen 1 çipsetindən alacaq.
POCO F5 modeli 6.67 düymlük FHD+ təsvir ölçülü 120 Hz yenilənmə tezliyinə malik OLED ekrana sahib olacaq. Gorilla Glass Victus ilə qorunan smartfonun ekran çərçivələri minimum qalınlıqda olub və ağırlığı sadəcə 201 qrama bərabər olacaq. Kamera tərəfində isə POCO F5 modeli 64MP OV64B əsas kamera, 8MP ultra geniş kamera, 2MP makro kamera ilə təchiz ediləcək. Ön tərəfdə isə 20MP kamera işlədiləcək. POCO F5 modeli 4K keyfiyyətdə 30FPS videolar qeydə almağı bacaracaq. Ön kamera ilə 1080p keyfiyyətdə sadəcə 30FPS videolar qeydə almaq mümkün olacaq. Həmçinin smartfon 67 Vatt sürətli şarjı dəstəkləyən 5000 mAs batareya həcminə sahib olacaq.
POCO F5 Pro modeli isə 6.67 düymlük QHD+ təsvir ölçülü 120 Hz yenilənmə tezliyinə malik OLED ekran ilə təchiz ediləcək. Gorilla Glass Victus ilə qorunan smartfon Redmi K50 ilə birə-bir eynidir. Kamera tərəfində isə POCO F5 Pro modeli 64MP əsas kamera, 8MP ultra geniş kamera və 2MP makro kamera ilə təchiz ediləcək. Bu konfiqurasiya digər modellə eynidir. Ön tərəfdə isə smartfon sadəcə 16MP kamera ilə təchiz ediləcək. Həmçinin smartfon 67 Vatt sürətli şarjı dəstəkləyən 5160 mAs batareya həcminə sahib olacaq.
Yeni modellərin Azərbaycan qiyməti nə qədər olacaq?
Qeyd etdik ki, yeni smartfonların Azərbaycan qiyməti avropa qiymətlərindən fərqlənəcək. Belə ki, POCO F5 modelinin Azərbaycan qiyməti təqribi 1149.99 AZN (manat) təşkil edəcək. Bu qiymət 12-256GB yaddaş həcmi ilə təklif ediləcək versiyasına aiddir. POCO F5 Pro modelinin Azərbaycan qiyməti isə 1499.99 AZN (manat) olacaq. Bu qiymətlər şəbəkə mağazalarının təklif edəcəyi ilkin qiymət olub, nağd alışda modeldən aslı olaraq 110 AZN-dən 150 AZN-ə qədər endirim təklif oluna bilər. Bu qiymətlər, xüsusilə POCO F5 modelinin şəbəkə mağazaları xaricində münasib qiymətə satılacağını göstərə bilər.
