Ötən gün Nothing brendi, yeni Nothing Ear (Stick) naqilsiz qulaqlığını təqdim edib. Lakin, yeni qulaqlığın qiyməti və xüsusiyyətləri brendin əvvəlki Ear (1) qulaqlığı ilə müqayisədə məyusedicidir. Ear (1) qulaqlığında olan bəzi xüsusiyyətlər yeni qulaqlıqda yoxdur. Bu xüsusiyyətlərə aktiv səs-küy nəzarəti yəni ANC və səs-küyü azaldan silikon qulaq başlıqları aiddir. Silikon başlıqlı qulaqlıq sevməyənlər üçün bu model yaxşı sayılsa da çoxları bəyənməyə bilər.
Yeni Nothing Ear (Stick) hansı xüsusiyyətərə malikdir?
Belə ki, yeni qulaqlığın dizaynı bizlərə əvvəlcədən sızıntılar əsasında məlum idi. Nothing brendinin yeni Nothing Ear (Stick) qulaqlığı əvvəlki versiyadan fərqli olaraq 12.6 mm-lik diafraqma ilə təchiz olunub. Digər yeniliklərdən biri də batareya bölməsində olub. Belə ki, qulaqlıq tək şarjla 7 saat aktiv istifadə oluna bilir. Qeyd edək ki, bu rəqəm Nothing Ear (1) modelində 5.7 saat idi. Lakin qulaqlığın ümumi istifadə müddəti 34 saatdan 29 saata endirilib. Buna da qulaqlığın qabı səbəb olub. Həmçinin qulaqlıq 3 mikrofon ilə təchiz olunub. Bu mikrofonlar müvafiq olaraq səsin qarşı tərəfə göndərilməsində, səs-küyün azaldılmasında və aşağı tezliklərdəki səsin filterlərnməsi üçün nəzərdə tutulublar.
Ear (Stick) 4 noyabr tarixində 99 dollara satışa çıxarılacaq. Yeni qulaqlıq təqdim olunmamışdan öncə Ear (1) qulaqlığının qiyməti də 99 dollar idi. Lakin təqdimatdan sonra Ear (1) qulaqlığının qiyməti 149 dollara qaldırılıb. Nothing şirkətinin baş icraçı direktorunun sözlərinə görə, qulaqlıqların istehsal xərclərinin artması səbəbindən qiymət artırılmalı olub. Əlavə olraq qeyd edək ki, Ear (1) qulaqlığı 2021-ci ildə təqdim olunmuşdu. Yəni 1 il keçməsinə baxmayaraq qiyməti artımı olması o qədər də məntiqli deyil.
