İnsan bədəni üzərində yeni araşdırmalar davam edir. Son araşdırmalar isə olduqca təəccüblüdür. Yeni araşdırmalar nəticəsində elm adamları beynin temperaturlarının ilk xəritələrini yaratdıqlarını açıqlayıblar. Araşdırmalar İnsan beyninin temperaturunun bir çox faktordan asılı olaraq dəyişdiyini ortaya qoyub. Ancaq beynimiz ümumiyyətlə bədənimizin digər hissələrindən daha isti olur.
Araşdırma İngiltərədəki Medical Research Council (MRC) Molekulyar Biologiya Laboratoriyasının tədqiqatçıları tərəfindən aparılıb. Müvafiq olaraq, iki qrup insanın beyin temperaturunu təhlil edib. Bu iki qrup reanimasiyada travmatik beyin zədəsi almış xəstələr və bu araşdırma üçün könüllü olan sağlam şəxslərdən ibarətdir. Gün ərzində hər iki qrupda səhər, günorta və axşam beyin temperaturu ölçülüb.
Ümumilikdə, hər iki qrup üçün orta beyin temperaturu ağız temperaturundan yüksək idi. Ölçmələrdə beynin hərarəti orta hesabla 38,5 dərəcə idi. Lakin bu rəqəmlər günün vaxtından asılı olaraq xeyli dəyişir.
Məsələn , beyin istiliyinin gecə daha aşağı olması ölçüldü. Qadınlarda və yaşlı fərdlərdə beyin istiliyinin orta hesabla daha yüksək olduğu ifadə edildi. Beynin dördölçülü temperatur xəritəsini yaradan tədqiqatçılar beynimizin ətraflı analizini də edə bilirlər.
Bu araşdırmanın mühüm tibbi nəticələri olacağı gözlənilir. Beyində həddindən artıq istiliyin ciddi fəsadlara səbəb ola biləcəyi uzun müddətdir ifadə edilmişdir. Ancaq son araşdırmaya görə, sağlam beyinlərdə hərarətin 40,9 dərəcəyə qədər yüksələ biləcəyi görüldü. Bu vəziyyətin heç bir problem yaratmadığı müəyyən edilib. Nəticələr həmçinin göstərdi ki, iştirakçıların 20 yaş aralığındaki insanlarda yaş artdıqca beyin temperaturu artıb, xüsusən də orta artımın dərin beyin bölgələrində 0,6 dərəcə Selsi olduğu deyilir. Bütün fərdlər arasında beyin temperaturu gün ərzində təxminən 1 dərəcə selsi dəyişiklik göstərdi, ən yüksək beyin temperaturu gündüz, ən aşağı temperatur isə gecə müşahidə olundu.
Tədqiqatçılar hətta ağır xəstələrdə belə yüksək beyin temperaturu ilə onların sağ qalma ehtimalı arasında aydın əlaqə tapa bilmədi. Sağ qalmada daha həlledici təfərrüat xəstənin beyninin temperaturunun gün ərzində gözlənildiyi kimi dəyişib-dəyişməməsi göstərilir. Alimlər gələcəkdə bu mövzuda daha çox araşdırma aparmağı planlaşdırırlar. Bəs siz bu mövzu haqqında nə fikirləşirsiniz? Fikirlərinizi bizimlə şərh bölməsində paylaşmaqı unutmayın.
