StartUp Hub Poland, 2015-ci ildən Polşada yüksək innovasiya texnologiyaları ilə inkişaf etmək istəyən startaplar üçün dəstək verir. Belə ki, bütün dünyada innovativ yeniliklərə və sağlam biznes modelinə malik startaplar Polşada komandalar yaratmaq, korporativ tərəfdaşlarla işləmək və qlobal miqyasda genişlənmək üçün qeydiyyatdan keçməyə dəvət edilirlər. Layihə Çexiya, Macarıstan, Polşa və Slovakiya hökumətləri tərəfindən Beynəlxalq Vişeqrad Fondunun Vişeqrad Qrantları vasitəsilə birgə maliyyələşdirilir.
1,5 illik proqramın əsasında V4-Azerbaijan Tech Bridge layihəsinin məqsədi Azərbaycan startaplarını və eyni zamanda innovatorlarını Avropa Birliyinin iştirakçıları ilə birləşdirərək Vişeqrad Qrupu (Çexiya, Macarıstan, Polşa, Slovakiya) və Azərbaycan arasında innovasiyalar sahəsində əməkdaşlığı artırılması, əlaqələrin gücləndirməsı, vençur kapital fondlarının yaradılması və yenilik axtaran şirkətləri Avropada startaplar barədə xəbərdar etmək kimi qiymətləndirilir. Qeyd edək ki, StartUp Hub Poland tərəfindən keçirilən layihə Polşanın Bakıdakı Səfirliyinin təşəbbüsü ilə bu ilin əvvəlindən ölkəmizdə start götürüb və hal-hazırda 7-ci fəsil üçün müraciət həyata keçirilir.
1-ci fəsil üzrə qeydiyyat bu ilin fevral ayında başlamışdı. 7-ci fəsil üçün qeydiyyatın başa çatmasına isə 3 gün qalıb. Yəni son qeydiyyat tarixi 31 oktyabr tarixinə nəzərdə tutulub. StartUp Hub Poland-ın layihəni məhz Polşa və Vişeqrad bölgəsində keçirməsinin səbəbi isə ölkədə həm akselerasiya proqramlarının, həm mentorluq fəaliyyətlərinin, həm də ilkin mərhələdə startapların vençur kapitalının formalaşdırılmasında yaxşı şərait olmasıdır. Eyni zamanda Şərqi Avropada Avropa Birliyinin sürətlə inkişaf etməkdə olan ən vacib bölgələrindən biri də məhz Vişeqrad hesab edilir. StartUp Hub Poland-ın paylaşdığı proqramla bu linkə toxunaraq tanış ola, qeydiyyat üçün aşağıdakı düymədən və ya bu linkdən istifadə edə bilərsiniz.
