Bu gecə keçirilən Lenovo İnnovasiya və Texnologiya Konfransında Motorola yeni qola taxıla bilən konsept cihazını təqdim etdi. Belə ki, elastik korpusa və qatlana bilən ekrana malik smartfon qola taxılması ilə fərqlənir. Smartfon istifadəçinin ehtiyaclarına uyğun olaraq qatlana bilən FHD+ ekran panelinə sahibdir. Cihazın standart telefon rejimi, bilək rejimi və müxtəlif biləklik üçün ağlınıza gələ biləcək rejimləri var.
Standart rejimdə telefonun 6,9 düymlük ekranı digər smartfonlar kimi Android proqramlarını göstərir. Motorola Flexible Band şərti adlı modeli qola taxıla bilmək üçün qatlandığı rejimdə isə ekran ölçüsü 4,6 düym olduğundan siz smartfonunuzu stolüstü saata belə ofisinizdə çevirə bilərsiniz. Qurğu birbaşa biləyinizə taxıla bilir, lakin smartfonun nə dərəcədə erqonomik düzəldiləcəyi hələ aydın deyil. Ona görə də çox güman ki, bu sadəcə bir konsept olaraq qalacaq.
Bu konsept telefona əlavə olaraq Motorola, istifadəçilərə şəxsi üslublarını smartfona genişləndirməyə imkan verən generativ süni intellekt modeli inkişaf etdirdiyini də açıqlayıb. Smartfonun görüntüləri xaricində heç bir texniki məlumat tədbir boyunca göstərməyib.
