Bildiyimiz kimi, Google şirkətinin Play Protect xidməti Android istifadəçilərini zərərli proqram və oyunlardan qorumaq üçün onlara xəbərdarlıqlar edir. Bu dəfə isə Google şirkətinin Play Protect xidməti Samsung tətbiqlərini zərərli olaraq göstərib və istifadəçilərə bununla bağlı xəbərdarlıq edib. Görünən odur ki, Google bu tətbiqlərdə potensial olaraq təhlükə yaradacaq nələrsə aşkarlayıb. Bəs gəlin görək həqiqətəndə Samsung tətbiqləri zərərlidir?
Google şirkətinin Play Protect xidməti Samsung tətbiqlərini zərərli olaraq aşkarlayıb və Android istifadəçilərinə xəbərdarlıq edib. Maraqlısı budur ki, Samsung şirkətinin bütün tətbiqlərində mesajlar, pulqabı, fotoşəkillər və digərlərində eyni xəbərdarlıq ortaya çıxıb. Google iddia edib ki, bu tətbiqlərdə istifadəçilərin mesajları, fotoşəkilləri, səs yazıları, axtarış tarixçəsi kimi şəxsi məlumatları təhlükə altındadır. Bu vəziyyət isə bir çox istifadəçinin diqqətini cəlb edib və sosial şəbəkələrdə gündəm mövzusuna çevrilib.
Samsung isə Mesajlar tətbiqindən istifadə edərkən cihazda təhlükəsizlik probleminin olduğunu bildirən pop-up pəncərəsinin Google serverində müvəqqəti nasazlıqdan qaynaqlandığı və artıq heç bir problem olmadan istifadə oluna biləcəyi istifadəçilərlə paylaşıb. Görünən odur ki, bu vəziyyət sadəcə Google serverlərində olan nasazlıq səbəbindən meydana gəlib və istifadəçiləri həyəcanladırıb. Ümumiyyətlə Google şirkətinin Play Protect xidməti android cihazınızda olan və Google Play mağazassından yüklənmiş bütün tətbiqləri skan edir. Hətta ötən günlərdə ortaya çıxmışdı ki, artıq bu xidmət Google Play mağazasından kənar yüklənmiş tətbiq və oyunlara da nəzarət edəcək.
