Bir çox texnologiya nəhəngi kimi, Apple şirkəti də uzunmüddətdir ki, məhsullarını çində istehsal edir. Maraqlısı budur ki, bu gün smartfon satışında lider olan Apple məhsullarının 95% hissəsi hələ də Çində istehsal olunur. Ümumiyyətlə Çin güclü istehsal infrastrukturu ilə Apple məhsullarının əksəriyyətinin istehsalını öz üzərinə götürür. Buna baxmayaraq Apple şirkəti istehsalı daha da artırmaq üçün Hindistanda iPhone fabriki tikəcək. Çinə səfər edən Apple şirkətinin rəhbəri Tim Cook Foxconn fabrikini ziyarət edib. Məhz bu gün ortaya çıxan məlumatlar da həmin səfər çərçivəsində qeydə alınıb.
Apple şirkətinin rəhbəri vəzifəsini icra edən Tim Cook səfər zamanı bəzi açıqlamalar edib. Onlardan ən diqqət çəkəni isə Tim Cook-un “Apple məhsullarının 95% hissəsi hələ də Çində istehsal olunur” ifadəsi olub. Maraqlıdır ki, ABŞ hər keçən gün Çinə brendlərinə sanksiya və məhdudiyyətlər tətbiq edir, lakin Apple hələ də çinin ucuz işçi qüvvəsindən yararlana bilir. Ümumiyyətlə bu ifadədən sonra rahatlıqla deyə bilərik ki, Çin Apple şirkətinin ucuz smartfon istehsal edərək daha çox gəlir qazanmasının əsas səbəbidir.
Apple uzunmüddətdir ki, çində əksər məhsulunu istehsal etsə də, bu dəfə Hindistanda da fabrik tikməyi düşünür. Bəzi analitiklər bu addımı şirkətin istehsalını artırmaq istəyi ilə əlaqələndirsə də, işin özü daha fərqlidir. Belə ki, Apple Hindistandakı yeni fabriki ilə Çindən asılılığını azaltmaq istəyir. Bunun əsas səbəbi də, qeyd etdiyimiz kimi, Çin və ABŞ arasındakı ticarət müharibəsidir. Texnologiya nəhəngi gələcəkdə bu müharibənin daha da böyüməsindən narahatdır. Məhz buna görə də şirkət əsas istehsalını tədricən Hindistandakı yeni fabrikində edəcək. Hətta yaxın gələcəkdə Apple çindən tamamilə çıxa da bilər.
