Meta, Ray-Ban Meta eynəklərinə süni intellekt və ani tərcümə xüsusiyyətləri əlavə edərək ilkə imza atmağı bacarıb. Qeyd edək ki, yeni funksiyalar davamlı söhbət və dil dəstəyi təmin edir.
Beləliklə, Meta, real vaxt rejimində süni intellekt video xüsusiyyəti ilə Ray-Ban Meta smart eynəklərini yeniləyib. Yenilənmə istifadəçilərə eynəkləri ilə davamlı olaraq söhbət etmək və müxtəlif dillərdə ani tərcümələr etmək imkanı verir. Bu çərçivədə Meta Ray-Ban Meta smart eynəkləri üçün v11 proqram təminatını elan edib. Yeni yeniləmə ilə istifadəçilər davamlı olaraq Meta AI ilə söhbət edə, mövzuları dəyişdirə və ya əlavə suallar verə bilərlər.
Qeyd edək ki, Ray-Ban indi süni intellekt ilə təkmilləşdirildikdən sonra canlı tərcümə funksiyası da təklif edir. Hətta, Ray-Ban Meta sahibləri ingilis və ispan, fransız və italyan dillərinə dərhal tərcümə edə bilərlər. Başqa dildə danışan insanlarla ünsiyyət qurarkən istifadəçilər nəinki həmin insanların ingilis dilində dediklərini eşidə, həm də telefonda mətnin transkriptini ala bilərlər. Bununla da, Ray-Ban xaricə səfər edənlər üçün ən yaxşı cihazlardan birinə çevrilməyi bacarıb. Analitiklər yenilənmə ilə ağıllı eynəklərin daha çox istifadəçi kütləsinə çatacağını düşünür.
