Smartfon sənayəsində texnologiya sürətlə inkişaf edir və bununla yeniliklər çox tez tətbiq olunur. Hal-hazırda bir çox insan üçün zaman çox önəmlidir və hər kəs bütün işlərini qısa vaxt ərzində həll etməyə çalışırlar. Smartfon istehsalçıları da istifadəçilərinə bununla bağlı öz tövhələrini verməklə yardım etmək istəyirlər. Vivo şirkəti isə iQOO 10 Pro flaqman modeli ilə şarj rekordunu yeniləyərək buna nail olmağı düşünür.
Əksər Smartfon modellərində şarj bitdikdən sonra onun dolmasını gözləmək kifayət qədər vaxt alır. Lakin iQOO brendinin yeni modeli ilə birlikdə bu məsələ 180 dərəcə dəyoşə bilər. Bu gün smartfonlarda maksimal simli şarj dəstəklənməsi 150 Vt təşkil edir. Bu göstəricini dəstəkləyən modellər arasında Realme GT Neo 3, OnePlus 10R və OnePLus Ace modelləri var.
iQOO 10 Pro modelində simli və simsiz şarj
Lakin iQOO 10 Pro modeli ilə bazara tam yeni sürət standartı daxil olacaq – 200 Vt şarj. Digital Chat Station adlı insayder təsdiqləyib ki, Vivo şirkəti yeni flaqman modelində 200 Vt şarj texnologiyasından istifadə edəcək.
Simli şarjdan əlavə olaraq yeni model 65 Vt-a qədər simsiz şarj dəstəkləməlidir. Smartfonun qutusunda həmçinin yeni şarj gücünə uyğun adaptor qoyulacaq.
Batareya və şarj sürəti
iQOO 10 Pro modelində batareya quruluşu və həcmi öncəki versiyada olduğu kimi qalacaq. Cihazın batareyası iki hissədən ibarət olacaq və həcmi 4700 mAh təşkil edəcək. Qutudan çıxan adaptor hesabına smartfonu 0%-dan 100% qədər şarj etmək cəmi 15 dəqiqə vaxt aparacaq.
Şayiələrə və təxminlərə görə yeni iQOO modelinin əsasında Qualcomm şirkətinin yeni Snapdragon 8 Plus Gen 1 çipseti dayanacaq. Enerji sərfiyyatı cəhətdən nə qədər çətinlik yaranır, yaransın bu smartfonda enerji doldurmaya çoxlu vaxt ayırmaq dərdiniz olmayacaq.
Yeni iQOO modelinin təqdimatı 2022-ci ilin 2-ci yarısında baş tutmalıdır. Qiymətləri haqqında hələ ki, məlumatlar paylaşılmayıb.
