Apple şirkətinin bu il təqdim etdiyi iPhone 14 seriyası, iPhone 12 və iPhone 13 seriyasından fərqli olaraq Mini modeli olmadan təqdim olunmuşdu. Xatırladaq ki, iPhone 12 və iPhone 13 seriyasında fərqli olaraq iPhone 14 seriyası iPhone 14, iPhone 14 Plus, iPhone 14 Pro və iPhone 14 Pro Max smartfon modellərinə sahib idi. Hətta iPhone 14 Pro və Pro Max modellərinin dinamik adaya sahib olması istifadəçilər tərəfindən bəyənildiyi üçün şirkət bu modellərin istehsal həcmini artırmışdı. Ötən gün isə Çinin məşhur mənbələrindən biri olan MyDrivers saytı gələn il təqdim olunması gözlənilən iPhone SE 4 ilə bağlı iddialar irəli sürüb. Belə ki, mənbə smartfonun bəzi xüsusiyyətlərini və qiymətini açıqlayıb.
Apple şirkətinin yeni modeli olan iPhone SE 4 hansı qiymətə satılacaq?
2023-cü ildə təqdim olunması gözlənilən yeni smartfon, iPhone 15 seriyasının təqdimatından sonra təqdim ediləcək. Qeyd edək ki, yeni SE 4 smartfonunun A16 çipseti ilə təchiz ediləcəyi gözlənilir. Buna səbəb isə sonuncu dəfə təqdim olunmuş SE smartfonunun A15 çipseti ilə təchiz olunmasıdır. Xatırladaq ki, Apple iPhone 14 Pro və iPhone Pro Max modellərini də A16 çipseti ilə təchiz etmişdi. Yeni smartfonun dizayn olaraq XR modelinə bənzəyəcəyi iddia olunur. Həmçinin smartfonun əsas xüsusiyyətlərinin iPhone 13 modelinə əsaslanacağı gözlənilir.
Bəzi insayderlərə görə, yeni iPhone SE 4 smartfonu bu il təqdim olunmayan iPhone 14 mini smartfonunun yerini dolduracaq. Qeyd edək ki, smartfonun Touch ID ilə təchiz olunacağı bildirilir. Təəssüf ki, Face ID bu smartfon üçün əlçatan olmayacaq. Touch ID texnologiyası isə yan tərəfdə kilid düyməsinə inteqrasiya edilməlidir. Ötən gün MyDrivers mənbəsi bildirib ki, yeni SE 4 smartfonu maksimum 3500 yuana, yəni təxminən 490 dollara təklif olunacaq. Əlavə olaraq qeyd edək ki, yeni smartfon USB-C konnektrou təchiz edilmiş ilk iPhone modeli ola bilər.
