Apple-ın yaxın gələcəkdə təqdim edəcəyi sərfəli iPhone SE 4 modeli ilə bağlı indiyə qədər bir çox detallar ortaya məlum olub. Lakin, yeni ortaya çıxan sızıntı artıq iPhone SE 4 dizaynının maket görüntülərini bizlərə məlum edir.
X platformasında olan Sonny Dickson adlı istifadəçi iPhone SE 4-ə (iPhone 16E) aid olduğu iddia edilən maket telefonun dizaynını sərgiləyib. Qara və ağ maketlər ilk baxışda 2010-cu ildə buraxılan iPhone 4-ün dizaynını xatırladır. Telefon düz arxa panelə malikdir və gözlənildiyi kimi bir kameraya malikdir. Yan tərəfdə səsi artırma və azaltma düymələri, köhnə səssiz sürüşdürmə çubuğu və SİM kart yuvası var. İndiyə qədər əldə etdiyimiz məlumata görə, iPhone SE 4 6,1 düymlük çentikli OLED ekranla gələcək.
A18 çipsetindən güc alacaq telefonun arxa tərəfində 48 MP Sony Exmor IMX904 sensoru və öndə 12 MP selfi kamerası olacaq. iPhone SE 4-ün aprel ayında 500 dollar qiymət etiketi ilə satışa çıxacağı gözlənilir. Xatırladaq ki, ötən günlərdə iPhone SE 4-ün təqdimat tarixi açıqlanmışdı. iPhone SE 4-ün ön tərəfində kiçik bir çəntik ilə iPhone 14 əsasında olacağı gözlənilir. Arxa tərəfdə tək sensordan ibarət kamera modulu olacaq.
İndi yeni ortaya çıxan hesabat, bu sensora cavabdeh olacaq LG Innotek-in daxili testlərə başladığını ortaya çıxarıb. Təchizat mərhələsi isə cihazın satışa çıxarılmasından üç ay əvvəl baş tutacaq. Bu onu göstərir ki, iPhone SE 4 ən geci gələn ilin əvvəlində, yəqin ki, yazda çıxacaq. Əvvəllər bildirilmişdi ki, Apple cihazı 2025-ci ilin yazında təqdim edəcək və bu, mart-iyun aylarını əhatə edir. Buna görə də, deyə bilərik ki, iPhone SE 4 modelinin təqdimat tarixi gözləniləndən daha tez ola bilər. Qeyd edək ki, bu model Touch ID əvəzinə Face ID texnologiyasından istifadə edəcək. Ən təəccüblü yeniliklərdən biri Apple Intelligence dəstəyi olacaq. Bu funksiya hazırda yalnız iPhone 15 Pro, iPhone 15 Pro Max və yeni iPhone 16 modellərində mövcuddur. Digər tərəfdən, iPhone SE 4 daha böyük 6,1 düymlük OLED ekrana sahib olacaq. Performans baxımından iPhone SE 4-ün keçən ay iPhone 16 seriyasında satışa çıxarılan A18 çipi ilə təchiz ediləcəyi deyilir.
