Bir istifadəçi, iPhone SE 3-ü Nokia Lumia 1020 ilə birləşdirərək sosial mediada bütün diqqətləri öz üzərinə cəlb edib. Belə ki, onun addımı nəticəsində iOS əməliyyat sistemi ilə işləyən Windows Phone ortaya çıxıb.
Bir vaxtlar tez-tez eşitdiyimiz Windows Phone smartfonları bir çox səbəblərdən, ilk növbədə, kifayət qədər populyar olmadığı üçün dayandırılmışdı. Belə ki, bu mövzuda ən çox tanınan telefonlardan biri Nokia Lumia 1020 idi. İlk dəfə 2013-cü ildə satışa çıxarılan telefon 2015-ci ildə ləğv edilib. Bəs bu cihaz ləğv edilməsəydi və Windows Phone əvəzinə iOS ilə işləsəydi, necə görünərdi? Bir Reddit istifadəçisinin paylaşdığı görüntülər bu sualın cavabı olub.
İOS əməliyyat sistemini iPhone-lardan tamamilə fərqli cihazlarda görmək olduqca maraqlıdır. Lumia 1020 isə bunun ən yaxşı nümunələrindən biridir. İstifadəçi bu telefonu 5G iPhone SE 3-ü Nokia Lumia 1020 korpusuna inteqrasiya edərək yaradıb. Beləliklə, Nokia Lumia 1020 görünüşlü bu cihazın içərisində iPhone SE 3 olduğunu deyə bilərik. iPhone-un daxili materialları cihaza inteqrasiya olunub. Hər şey, o cümlədən 12MP arxa kamera, Touch ID, A15 Bionic çipi, 128GB yaddaş birəbir iPhonee SE 3 modelindən götürülüb. İstifadəçi həmçinin əlavə edib ki, o, cihazı NokiaApple LumiPhone 1020 SE adlandırıb və hətta onu lightning portu ilə də təchiz edib. Bir sözlə, bu layihə əvvəl gördüklərimizdən çox fərqli olduğu üçün həqiqətən maraqlıdır. Təəssüf ki, iPhone SE Lumia 1020 cihazının necə işlədiyinə dair heç bir video yoxdur. “OceanDepth95028” adlı istifadəçi istifadə edərkən bəzi problemlər olsa da, ümumilikdə smartfonun işlədiyini bildirib.
