Apple-ın gələcək illərdə təqdim edəcəyini gözlədiyimiz qatlana bilən iPhone modeli, böyük ekranı ilə istifadəçilərə iPad təcrübəsi yaşatmağı hədəfləyir. Belə ki, yeni ortaya çıxan sızıntıya görə iPhone yeni qatlan bilən modeli ilə rekord qırmaq niyyətindədir.
Qatlana bilən smartfon bazarı əhəmiyyətli bir ölçüyə çatsa da, hələ də Apple-dan konkret addım atılmayıb. Məlumdur ki, şirkət qatlana bilən iPhone üzərində işləyir və bəzi detallar sızıntılar vasitəsilə əldə edilə bilər. Yeni sızan məlumata görə, Apple-ın üzərində çalışdığı ən son prototip Galaxy Z Fold kimi üfüqi qatlana bilən bir quruluşa malikdir. Ekranın açıldığı zaman 12 düym olacağı və bu qədər böyük ekrana malik qatlanan modelin bazarda olmadığı bildirilir. Bu sayədə uzun müddətdir gündəmdə olan iPad dizaynına nail olunub.
Bildirilir ki, Apple təbii olaraq daha böyük ekran üçün daha böyük menteşə üzərində işləyir. Tayvanlı tədarükçülər tərəfindən istehsal olunan bu menteşənin qiymətinin 110 dollar civarında olduğu bildirilir. Habelə, qatlana bilən ekran Samsung tərəfindən hazırlanacaq. Arxa kameranın ikili sensorlu quruluşa sahib olduğu bildirilərkən, Dinamik Ada dizaynının bir qədər daraldığı da vurğulanır. Batareya tərəfində, həmçinin 5000 mAh tutumlu ikili hüceyrənin olduğu bildirilir. 2026-cı ilin sonu və ya 2027-ci ilin əvvəlində buraxılması gözlənilən modelin təxminən 30 milyon ədəd satacağı gözlənilir.
