Çin avtomobil nəhəngi BYD, ən çox satılan elektrikli avtomobillərini pulsuz ağıllı sürüş texnologiyası ilə təkmilləşdirməklə avtonom idarəetməni daha əlçatan edir. Şirkət hətta Çində 9500 dollar başlangıc qiymətinə sahib olan ən ucuz Seagull modelinə avtonom sürüş texnologiyasını gətirir.
BYD, avtomobil tədbirində ən çox satılan 21 modelini “God Eye” adlı ağıllı sürüş sistemi ilə yenilədiyini açıqlayıb. Bundan əlavə, avtomobil nəhəngi bütün bu yenilikləri ödəniş tələb etmədən həyata keçirib. BYD-nin baş direktoru Wang Chuanfu, canlı yayımlanan tədbirdə bildirib ki, yaxşı texnologiya hər kəs üçün əlçatan olmalıdır. BYD, tədbir zamanı Ocean Series-də olan 11 elektrikli avtomobilin təkmilləşdirildiyini açıqlayıb.
Bu modellərə onun ən çox satılan avtomobilləri, o cümlədən Seagull, Dolphin və Seal EV modelləri daxildir. Han, Song və Yuan ilə yanaşı Seal 05 DM-i kimi plug-in hibridləri də yeni texnologiyanı alacaq. İndiyə qədər BYD yalnız özünün God Eye ağıllı sürücülük sistemini daha yüksək qiymətli modellərində təklif edirdi. CEO-nun açıqlamasına görə, avtonom idarəetmə texnologiyasına malik avtomobillərin qiymətləri 28.000 dollardan yuxarıdır. Məsələn, Tesla Model 3 Çində 32.000 dollardan başlayan qiymətlərlə satılır. BYD, müxtəlif modellər üçün fərqli texnologiya səviyyələrinə malik üç yeni Gods Eye səviyyəsini elan edib. Gods Eye C (DiPilot 100) Seagull kimi BYD markalı avtomobillər üçün istifadə olunacaq. Sistemə 12 kamera, 5 dalğalı radar və 12 ultrasəs radarı daxildir. BYD-nin lüks markası Yangwang 3 LiDAR və şirkətin ən güclü DiPliot 600 sistemi ilə Gods Eye A paketini təqdim edəcək. Dünyanın ən böyük elektrik avtomobil istehsalçısı olan BYD keçən il ilk dəfə olaraq Honda və Nissan kimi avtomobil nəhənglərini geridə qoymuşdu. Hətta, şirkət ötən il 4,25 milyon avtomobil sataraq satışlarını əvvəlki ilə nisbətən 40% artırmağı bacarıb.
