Bildiyimiz kimi, yeni iPhone 16 seriyasının batareya ömrünün paylaşarkən, Apple “iPhone 16 Pro Max batareyası neçə mAhdır?” kimi ən maraqlı suallara cavab verməmişdi. İndi isə satışa çıxarıldıqdan sonra iPhone 16 və 16 Pro modellərinin batareya həcmi məlum olub.
Braziliyanın tənzimləyici orqanı iPhone 16 seriyasına daxil olan modellərin batareya həcmi barədə açıqlama verib. Rəqəmlər göstərir ki, batareya həcmində ən böyük inkişaf iPhone 16 Pro modelində olub. Bu həftənin əvvəlində ortaya çıxan iPhone 16 Pro rəyləri yeni nəsil ilə batareya ömrünün əhəmiyyətli dərəcədə yaxşılaşdığını təsdiqləyib. Dəyişikliklər yalnız fiziki batareya ölçülərinin artması ilə deyil, həm də A18 çipi ilə idarə olunan səmərəliliyin optimallaşdırılması ilə əlaqədardır. Apple həmçinin iPhone 16 modellərinin istilik performansını yaxşılaşdırdığını və bunun batareyanın ömrünü artırdığını iddia etmişdi. iPhone 16 seriyasının batareya həcmi aşağıdakı kimidir:
- iPhone 16 – 3.561 mAh
- iPhone 16 Plus – 4.674 mAh
- iPhone 16 Pro – 3.582 mAh
- iPhone 16 Pro Max – 4.685 mAh
Xatırladaq ki, müvafiq olaraq iPhone 15 3,349 mAh; iPhone 15 Plus 4383 mAh; iPhone 15 Pro 3274 mAh və iPhone 15 Pro Max 4422 mAh batareyalardan istifadə edir. Bütün iPhone 16 modelləri 25Vt MagSafe şarj və 45Vt-a qədər simli şarjı dəstəkləyir.
