Uzun illərdir iPhone modellərinin rəqiblərindən geri qalan xüsuiyyətlərindən biri olan 120Hz tezlikli ekran paneli iPhone 13 seriyasında nəhayət quraşdırıldı. Çatışmayan əsas xüsusiyyətlərin siyahısında isə ekran çərtiyinin ləğv edilməsi və yüksək sürətli şarj dəstəyinin gətirilməsi qaldı. İnsayderlərin verdiyi ən son məlumatlar də elə təsadüfdən məhz bu iki nüansla bağlıdır. iPhone 14 seriyasının təqdimat tarixi yaxınlaşqıqca insayderlər modellərlə bağlı yeni detallar sızdırmağa başlayıblar. Belə ki, iPhone 14 ilə bağlı yeni məlumatlar “inanılmaz dərəcədə gücləndirilmiş” şarj dəstəyini və fərqli yenilikləri ortaya qoyur.
Beləliklə iPhone 14 seriyası 30 Vt şarj dəstəkləyəcək
Apple şirkətinin ən güclü smartfonu olan iPhone 13 Pro Max modeli 27 Vt sürətli şarj dəstəkləyir. iPhone 14 seriyası isə 3 Vt daha sürətli şarj olmağı bacaracaq. Eyni zamanda Lightning girişinin istifadəsinə davam ediləcək. Mənbələr birbaşa iPhone 14 modeli kimi qeyd etdiyindən bir ehtimal belə olsa iPhone 14 Pro modellərində biraz daha sürətli şarj dəstəyinin olacağını ümid edirik. Lakin böyük bir ehtimalla 30 Vt elə seriya daxili ən üst limit olacaq. Təqdim ediləcək yeni cihazların 30 Vt ilə təqribi 40 dəqiqə ərzində tam şarj ola biləcəyi gözlənilir.
Digər bir xəbərimiz isə iPhone 14 Pro modelinə aid olduğu iddia edilən ekran qoruyucusu ilə bağlıdır. iPhone 14 seriyası komponentlərinin seriya istehsalı üçün tam tədarükü bu ay başa çatır. Çünki, artıq təqdimat mərhələsinə qısa bir müddət qalıb. Uyğun olaraq Çinin tanınmış aksesuar istehsalçısı və bloqu Laobang (beijing) Technology Co. tərəfindən istehsal edildiyi iddia edilən ekran qoruyucusu internetə sızdırılıb. Ekranın qoruyucu şüşəsində 2 ədəd əvvəlcədən bizə məlum olan kamera və sensorlar üçün boşluq müşahidə olunur. Əgər görüntüdəki şüşə həqiqəti əks etdirirsə 2 boşluğun xeyli böyük göründüyünü söyləmək olar. İstehsalçı çərtiyi ləğv etməli idi, amma deyəsən əksinə daha kobud bir dizayn qarşımıza çıxaracaq.
Son olaraq qeyd edəcəyimiz məlumat iPhone 14 seriyasının qiyməti ilə bağlıdır. iPhone 14 modelinin 799$, iPhone 14 Max modelinin isə 899$ başlanğıc qiymətə təklif ediləcəyi bildirilir. Lakin iPhone 14 Pro və iPhone 14 Pro Max modelləri ötən illə müqayisədə 100$ bahalaşacaq. 48MP kamera, çərtiksiz ekran, “yüksək” sürətli şarj və daha yeni çipset kimi detallar deyilənə görə Pro modellərin qiymətinə mənfi təsir edəcək.
