Apple şirkətinin yayın sonunda təqdim edəcəyi iPhone 14 Pro modellərində daha sürətli operativ yaddaş istifadə olunacağı gündəmdədir. Sentyabr ayında keçiriləcək Apple tədbirində 6,1 düymlük 120 Hz OLED ekranlı 14 Pro və 6,7 düymlük 14 Pro Max modellərini görəcəyik.
İnsanların səbirsizliklə gözlədiyi iPhone modellərinin məhz bu ən güclü 2 modelində 6 GB LPDDR5 operativ yaddaş quraşdırılacaq. Hazırda, şirkət iPhone modellərində LPDDR4X texnologiyasından istifadə edir. Apple, LPDDR5 RAM ilə iPhone modellərinin performansını və səmərəliliyini artıracaq. Şirkətin Pro olmayan modelləri sadə modelləri isə yalnız, 6 GB LPDDR4X RAM üzərinə qurulacaq. Ona görə Pro seriyası operativ yaddaşın performansı cəhətdən də xeyli fərq yaradacaq. Bəs fərqi yaradan digər məsələlər nə olacaq?
Apple iPhone 14 Pro seriyasında 2 fərqli çipsetdən istifadə edəcək!
Apple, bu il istehsal edəcəyi telefonlar üçün yeni və “köhnə” 2 fərqli çipsetdən istifadə edəcək. Yeni nəsil A16 Bionic çipseti 14 Pro və 14 Pro Max modellərinə təchiz ediləcək. Beləliklə, Pro modelləri daha yüksək performansa sahib olacaq. İddialara görə A16 Bionic çipseti 4nm TSMC istehsal prosesinə əsaslanacaq ki, 15 milyard tranzistor sayı 18-20 milyona qədər artacaq. Əlavə olaraq CPU performansı 15%, GPU performansı 25-30% artacaq.
14 Pro və 14 Pro Max modelləri 48MP geniş bucaqlı əsas kameraya sahib olacaq. 48MP kamera vasitəsi ilə 8K formatında videolar çəkmək mümkün olacaq. Beləliklə, bu kamera 13 Pro və 13 Pro Max modellərindən daha keyfiyyətli şəkil və videolar çəkə biləcək. Lakin bu xüsusiyyətlər də sadə iPhone 14 seriyasının sadə modellərində mövcud olmamalıdır. Yəni sadə modellər yalnız 12MP kamera ilə təchiz ediləcək. Beləliklə seriya daxili texniki fərqlər inanılmaz dərəcədə artacaq.
iPhone 14 Pro seriyası haqqında siz nə düşünürsünüz? Fikirlərinizi aşağıdan rəylər bölməsində bizimlə bölüşə bilərsiniz.
