iPhone 14 Pro modellərində çərtik yığışdırılacağına dair söz-söhbətlər artıq 1 ilə yaxındır ki ortalıqda gəzir. 7 sentyabr tarixindəki təqdimat tarixinə yaxınlaşdıqca smartfonlarla bağlı hər gün daha fərqli bir məlumat doğruluğu dəqiq bilinməsə də internetə sızdırılır. İndi isə Çin mənşəli mənbələr iPhone 14 Pro və iPhone 14 Pro Max modellərində istifadə ediləcək kapsul dizaynında 2 fərqli çeşidin olacağını bildirirlər. 2 fərqli çeşid dedikdə isə, üst hissədəki kapsullar arası boşluğun proqram təminatı ilə qapadılmasından söhbət gedir. Apple şirkəti iPhone 14 seriyasında çərtik problemini həll etmiş kimi görünsə də yeni kapsul dizaynı ilə üst hissədə aktiv istifadə edilən sahəni daha da daraldacaq.
İddialara görə iPhone 14 seriyasında kapsullar arasındakı boşluğa bildiriş işıqları yerləşdiriləcək
Normalda hal-hazırda iPhone modellərində kamera və ya mikrofonun aktiv olduğunu göstərən bildiriş işığı çərtiyin sağ üst hissəsində yerləşir. iPhone 14 Pro modellərində həmin bildiriş işıqları kapsulların arasındakı boşluğa yerləşdiriləcək. Əgər iddialar doğrudursa kapsul və selfi kamerasındakı boşluq proqram təminatı ilə bağlana biləcək. iPhone 14 seriyasında çərtik görünüş cəhətdən yox olsa da istifadə zamanı üst hissədə böyük bir hissənin kapsulla zəbt olunacağı dəqiqdir. Əlinizlə kapsul və ekranın üst çərçivəsinin arasındakı boşluğu qapatsanız, 2018-ci ildə çıxan Pixel 3 XL modeli kimi yanlardan qısalan, lakin aşağı doğru uzanmış yeni bir çərtik yarandığını müşahidə edə bilərsiniz.
Selfi kamerasının kapsul tipli dizaynı kamera tətbiqində də üst hissədə dəyişikliklər edilməsi ilə nəticələnəcək. iOS interfeysinin bir çox yerində kapsulun sağ və sol hissələrindəki boşluqdan yararlanmaq üçün bəzi yerlərdə xüsusi düymələr əlavə ediləcək.
Qeyd edək ki, smartfonların ABŞ bazarı üçün sızdırılan qiymətləri əhəmiyyətli dərəcədə dəyişməyib. Yalnız iPhone 14 Pro modellərində təqribi 50 dollar artım olacağı bildirilir. Sadə modellərdə isə qiymət artımı mövcud deyil. Hətta iPhone 14 modelinin nisbətən daha ucuz, 750$ qiymət etiketi ilə satışa çıxarılacağı deyilir. Bütün bunların nə qədər doğru olduğunu gələn həftə keçiriləcək təqdimat tədbirindən sonra öyrənəcəyik. Təqdimat növbəti həftənin çərşənbə günü saat 21:00-dan etibarən başlayacaq.
