Apple şirkətinin yeni iPhone 15 seriyasını təqdim etməsindən hələ 1 ay keçməmiş insayderlər yeni seriya barədə təfərrüatları öyrənib. Belə ki, Apple insayderləri yeni iPhone 16 modellərinin dizaynını artıq ortaya çıxarıb. Ortaya çıxan məlumatlar isə həqiqətən də diqqətləri cəlb edib. Çünki Apple insayderlərinə görə yeni seriya sələfindən tamamilə fərqlənəcək. O cümlədən kamera tərəfində vəziyyət biraz daha fərqli olacaq. Ümumiyyətlə bu il təqdim edilən iPhone 15 o qədər də diqqət cəlb etmədi. Çünki yeni smartfon sələfindən demək olar ki, fərqlənmirdi.
Görünən odur ki, Apple istifadəçilərin istəklərini nəzərə almağa qərar verib. Beləliklə Apple yeni iPhone 16 dizaynını tamamilə dəyişəcək. İnsayder Main Yu-nun iddiasına görə iPhone 16 modellərinin arxa tərəfində 6 ədəd kamera quraşdırılacaq. Lakin bu say 6 dan az da ola bilər. Əsas iddia odur ki, yeni smartfon əsas kamera, geniş bucaqlı və telefoto obyektivlərinə sahib olacaq. Digər 3 sensor isə iPhone 16 ilə çəkilmiş foto və videoları 3D görünüşdə göstərmək üçün Arle Vision Pro Məlumatları çəkmək məqsədi ilə istifadə olunacaq. Məhz bu iddialar əsasında insayderlər yeni smartfonun hansı dizayna sahib olacağını render halında ortaya çıxarıb.
Maraqlısı budur ki, 6 kamera iddasını məşhur analitik Min-Shi Kuo da təsdiqləyib. Lakin o vurğulayıb ki, render görüntüsü sadəcə insayderin təxəyyülüdür. Yenə də bu render 6 kameralı smartfonun nəyə bənzədiyi barədə fikirlər formalaşdırır. Habelə analitiklər iPhone 15 Pro modelindən fərqli oalraq yeni iPhone 16 Pro modelinin keyfiyyət itirmədən 5x optik böyütmə funksiyasına da sahib olacağını da iddia edib.
