Huawei şirkətinin il üçə qatlanan smartfonu artıq rəsmi olaraq bizlərə nümayiş edilib. Beləliklə, yaxın həftələrdə satışa çıxarılması gözlənilən Huawei Mate XT Ultimate Design modeli artıq qarşımızdadır.
Xatırladaq ki, şirkət 10 Sentyabr tarixində Mate XT modelini ilkin olaraq Çində təqdim etməyə hazırlaşır. İndi isə həvəskarlar həyəcanla smartfonun təqdimatını gözlədiyi anda smartfon Çin elektron ticarət platforması JD.com-da əvvəlcədən sifariş üçün əlçatan olub. Şirkətin ilk üç qatlanan telefonu olan Huawei Mate XT Ultimate Design bizlərə sadəcə Mate XT olaraq təqdim ediləcək. 2022-ci ildə bitən Huawei – Porsche Design tərəfdaşlığının davamçısı olan Ultimate Design brendinin bir hissəsi olan bu smartfon JD.com saytında əvvəlcədən sifarişə açıq elan edildiyi üçün bəzi xüsusiyyətlərini aşkara çıxarıb.
Çində sentyabrın 20-dən etibarən satışa çıxarılacaq qatlanan telefon iki yaddaş növü ilə müşayiət olunacaq: 16/512 GB və 16 GB/1 TB. Habelə, smartfon çox təəccüblü bir şəkildə 14900 Yuan və ya 2000 dollar qiymət etiketinə sahib olacaq. Qeyd edək ki, smartfonun arxa tərəfində periskop telefoto obyektivinin yerləşdiyi səkkizbucaqlı kamera modulunu görmək mümkündür. Vegan dəri ilə örtülmüş arxa panel smartfona zəriflik qatır. Mate XT modelinin həm içəriyə, həm də xaricə qatlanan ikili menteşəli dizayna və incə profilə malik olacağı da artıq təsdiqini tapıb. Açılan zaman daxili displeyin təxminən 10 düym olacağı və cihazın Kirin 9 seriyası platforması ilə təchiz ediləcəyi gözlənilir. Smartfon barəsində daha ətraflı məlumatlar isə sabah baş tutacaq tədbirdə elan ediləcək.
