Çin texnologiya nəhəngi Huawei, qatlana bilən telefon rəqabətində məhdudiyyətləri aşmağa hazırlaşır. Belə ki, şirkətin inqilabi yenilik hesab olunacaq smartfon patenti ortaya çıxıb. Bildiyiniz kimi, ABŞ embarqolarından sonra Huawei brendi bazarda ciddi səviyyədə zərər görmüşdü. Lakin son dövrlərdə texnologiya nəhəngi öz hesabına bir çox texnoloji yenilik edərək yenidən liderliyə yüksəlməyə başlayıb. Daha əvvəl özünəməxsus çipset və əməliyyat sistemi hazırlayan Huawei indi, üç dəfə qatlana bilən smartfon üzərində işləyir.
Ümumiyyətlə, Huawei brendi yeni təqdim etdiyi Mate 60 seriyası ilə birlikdə texnologiya bazarına yeni ruhla qayıtmağı bacarıb deyə bilərik. Şirkət bütün iddiaları və proqnozları alt-üst edərək tərsinə çevirməyi bacardı. Bu kontekstdə sərmayələr sürətləndikcə çox yaxında sürpriz bir cihazla qarşılaşa bilərik. İndi Huawei şirkətindən üç dəfə qatlana bilən smartfon gəlir. Daha əvvəl də qeyd etdiyimiz kimi, smartfon bazarında qatlanan modellərin yüksəlişi davam edir. Son vaxtlarda innovativ dizaynlar təqdim edilir. O cümlədən Huawei brendi də indiyə qədər 3 müxtəlif tipli qatlana bilən smartfon təqdim edib. Belə ki, bunla müvafiq olaraq Mate X, P50 Pocket və Mate X3 modelləridir.
Huawei-nin patent şəkilləri 2024-cü ilin ikinci rübündə təqdim olunacaq üç dəfə qatlanan telefona işarə edir. Detallara nəzər saldıqda modelin Z və ya S şəkilli qatlanan dizayna sahib olduğunu görmək mümkündür. Bununla belə, ekran ölçüsü digər qatlana bilən modellər kimi təxminən 6,4 düym olaraq qalacaq. Həmçinin smartfonun arxasında böyük bir menteşə və 4 sensorlu təchizat yer alır.
