Instagram, WhatsApp və Facebook-un çətir şirkəti olan Meta süni intellekt tərəfindən hazırlana məzmunu qeyd etməyə başlayacaq. Belə ki, tezliklə Instagram, Threads, WhatsApp və Facebook kimi Meta platformalarında yeni xəbərdarlıq qarşımıza çıxacaq. Bu xəbərdarlıq isə öz növbəsində süni intellekt sistemləri tərəfindən hazırlandığı təsbit edilən şəkillərdə istifadə olunacaq. Beləliklə sosial media istifadəçiləri məzmunun yalan və ya saxta olub-olmadığını bu xəbərdarlıq vasitəsi ilə daha aydın anlaya biləcəklər.
Bunun üçün xüsusi avtomatik sistem hazırladığı bildirilən Meta, təkcə öz süni intellekt sistemlərinin deyil, həm də Google, OpenAI və Adobe kimi şirkətlərin süni intellekt xidmətlərinin yaratdığı məzmunları və ya şəkilləri də aşkar edə biləcək. Sadəcə insanların yazdığı mətn əsasında görüntü hazırlayan süni intellekt sistemləri ilə qarşımıza çıxan saxta məzmun probleminin daha bir həlli tapılıb deyə bilərik. Meta zamanla bu məsələyə geniş miqyasda reaksiya verəcəyini bildirib. Bundan əvvəl Meta süni intellektə əsaslanan prosessoru ilə gündəmə gəlmişdi. Kod adı “Artemis” olduğu bildirilən bu yeni hazırlanmış xüsusi süni intellekt prosessoru 2024-cü il bitmədən əvvəl şirkətin bəzi server sistemlərində istifadə edilməyə başlayacaq.
LLM-lərin, yəni böyük dil modellərinin hazırlanmasında deyil, məhsuldar süni intellekt sistemlərinə verilən tapşırıqların işlənməsində iştirak etdiyi bildirilən daxili inkişaf etdirilmiş bu prosessor şirkət üçün çox faydalı ola bilər. Həmçinin Artemis həm maliyyə üstünlüyü, həm də yüksək performansı ilə şirkətə bir çox fayda verə bilər. Ümumiyyətlə süni intellekt inkişaf etdikcə onun törədə biləcəyi problemlərin həcmi və sayı da artmağa davam edir. Texnologiya nəhəngləri isə bunun fərqinə vararaq müvafiq qabaqlayıcı tədbirlər hazırlayır.
