Ötən aylarda baş tutan MWC 2024 tədbiri çərçivəsində qlobal olaraq təqdim edilən Honor Magic6 Pro modeli Tedroid medianın da dəvət aldığı möhtəşəm təqdimatla Türkiyədə satışa çıxarılıb. Qeyd edək ki, yeni smartfonun ölkəmizdə təqdim ediləcəyi tarix də ortaya çıxıb. Ümumiyyətlə, HONOR Magic6 Pro innovativ dizaynı və üstün texnoloji xüsusiyyətləri ilə istifadəçiləri sehrli təcrübəyə dəvət edir. Dünyanın ən yaxşı kamerasına sahib telefon olaraq DxOMark-da birinci yeri tutan HONOR Magic6 Pro, fotoqrafiya, ekran, performans və süni intellektlə dəstəklənən istifadəçi təcrübələri ilə texnologiyanın gələcəyinə işıq tutur.
Xatırladaq ki, qlobal texnologiya brendi olan Honor bu gün süni intellekt dəstəkli əməliyyat sistemi və məqsədə əsaslanan istifadəçi interfeysi təklif edən yeni ağıllı cihazlarını Barselona şəhərində təqdim etmişdi. HONOR CEO-su George Zhao bildirmişdi ki, “Süni intellekt dövrünə doğru irəlilədikcə HONOR, istehlakçılarımızın arzularını və narahat olduğu mövzuları ələ almaq üçün qüsursuz təcrübə təqdim edən yeniliklər təqdim etməyə sadiq olmağa çalışır”. Həmçinin Zhao əlavə edib ki, “İnsan-cihaz qarşılıqlı əlaqəsində sərhədləri aşarkən, sənayedə aparıcı süni intellekt imkanları ilə istifadəçi təcrübəsində inqilab edən HONOR, yeni ağıllı smartfonlarını və süni intellekt kompüterini qlobal istifadəyə verməkdən məmnunluq hissi duyur”.
Smartfonun ən əsas xüsusiyyətləri Magic Capsule və Magic Portal ilə daha fərdiləşdirilmiş, intuitiv təcrübə təklif etməsi və bir çox süni intellekt alətləri ilə təchiz edilməsidir. Habelə smartfon həm kamera, həm pressor tərəfində süni intellekt tərəfindən dəstəklənir. Həmçinin, smartfon 100x rəqəmsal və 2.5x optik yaxınlaştırma ilə 180MP f/2.6 OIS dəstəkli telefoto kameraya, OIS dəstəkli 50MP f/2.0 Ultra geniş kameraya və f/1.4, f/2.0 kimi dəyişkən diyaframlara sahib 50MP əsas kameraya sahibdir. HONOR brendi bu dəfə də, dayanıqlılıq mövzusuna xüsusi olaraq diqqət ayırıb. Belə ki, yeni Magic6 Pro modeli düşməyə qarşı ən dayanıqlı ekran şüşəsinə malikdir və SGS-nin beş ulduzlu Ümumi Şüşə Düşmə Müqaviməti sertifikatına sahibdir. Ümumiyyətlə “Giant Rhino Glass” 50% daha təkmilləşmiş kristal sıxlığında adi şüşə ilə müqayisədə 10 dəfə daha çox dayanıqlılıq təklif edir. Ekran demişkən, yeni smartfon 6.8 düymlük 120Hz yeniləmə tezliyinə, 4320 Hz PWM qaralma tezliyinə və standart olaraq 1800 nit parlaqlığa sahib ekran panelinə sahibdir. 1264×2800 təsvir ölçülü əyri LTPO AMOLED ekran panelinin parlaqlığı HDR məzmunlarda 5000 nit-ə qədər çata bilir.
Əlavə olaraq qeyd edək ki, artıq qardaş ölkədə satışa çıxarılan yeni Honor Magic6 Pro modeli aprelin 26-da ölkəmizdə satışa çıxarılacaq. Beləliklə sadəcə bir neçə gün sonra dünyanın ən yaxşı kamerası ilə təchiz edilmiş smartfonu ölkəmizdə rəsmi olaraq şəbəkə mağazalarından əldə edə biləcəksiniz.
