Beləliklə, Google və Qualcomm-un əməkdaşlıqları nəticəsində yeni Snapdragon çipləri olan Android smartfonlara “8 il”ə qədər yenilənmə dəstəyi veriləcəyi bildirilib.
Smartfon dedikdə ilk ağıla gələn şirkətlərdən Google və Qualcomm tarixi bir açıqlama verərək, əməkdaşlığa girdiklərini açıqlayıblar. Bu əməkdaşlıq xüsusilə istifadəçiləri sevindirəcək nəticələrə gətirib çıxaracaq. Əslində, Qualcomm istehsalçılara bir çox cari flaqman Android telefonlarında gördüyümüz Snapdragon 8 Elite-dən başlayaraq yeni çipləri ilə cihazlarda daha çox yenilənmə dəstəyi təklif etməyə imkan verəcək. Açıqlamaya görə, Google və Qualcomm şirkətlərinin birgə elan etdiyi “proqram” yeni çiplərdən istifadə edən smartfonlarda 8 il ardıcıl olaraq Android proqram yenilənmələri və təhlükəsizlik yenilənmələrini təklif etməyə imkan verəcək.
Qualcomm əlavə edib ki, bu, cihaz və çipdə heç bir dəyişiklik və ya təkmilləşdirmə olmadan edilə bilər. Təbii ki, istehsalçılar cihazlara nə qədər yeniləmə dəstəyi verəcəyinə qərar verəcəklər. Yəni 8 ilə qədər vaxt vermək imkanı olsa da, istəklərindən asılı olaraq bu müddəti daha qısa saxlaya bilirlər. Bununla belə, artıq çiplərin bu baxımdan məhdudlaşdırdığını deyə bilmərik. Android 15 ilə çıxan və Snapdragon 8 Elite prosessoruna sahib olan ilk smartfonlar bu proqramdan faydalana biləcək. Qualcomm, bu dəstəyin bu il buraxılacaq yeni Snapdragon 8 və 7 prosessorları da daxil olmaqla növbəti 5 nəsil üçün davam edəcəyini bildirib. Qeyd edək ki, hal-hazırda Samsung, flaqman cihazlarında 7 illik yeniləmə dəstəyi təklif edirdi. Qualcomm və Google arasında əməkdaşlıqdan sonra bununla bağlı hansı dəyişikliklərin olacağını gözləyəcəyik.
