Google bu ayın əvvəlində I/O 2022 sərgisində yeni məhsullarını təqdim etmişdi. Həmin təqdimatda nümayiş etdirilmiş məhsulları sizlərlə bölüşmüşdük. Android 13-dən əlavə olaraq istifadəçilərə yeni cihazlar və xidmətlər təklif edən şirkət smartfon biznesini genişləndirməkdə qərarlıdır. Son məlumata görə, şirkət tezliklə G10 kod adlı yeni Pixel modelini təqdim edəcək.
Google Pixel G10 haqqında
Smartfon bazarında öz payını artırmaq istəyən Google-dan yeni flaqman addım gələ bilər. Çünki Android Open Source Project-də (AOSP) C10 və P10 kod adlı Pixel 7 və 7 Pro modellərindən əlavə olaraq G10 kod adlı daha bir model meydana çıxdı. Tezliklə təqdim edilməsi gözlənilən Pixel 7a və Pixel Notepad müvafiq olaraq Felix və Lynx kimi tanınır. Beləliklə, G10-nun bunlardan fərqli bir model olduğu bilinir. Eyni zamanda, ekran görüntü imkanı və ölçüsünə görə onun smartfon olma ehtimalı yüksəkdir. Ehtimallar Pixel G10 modelinin seriyanın ən güclü Pixel modeli olacağını ortaya qoyur. Bunun səbəbi isə smartfonun sahib olduğu kamera parametrləridir. Qaynaq kodlarının analizi nəticəsində ortaya çıxmış detallar G10 modelində gücləndirilmiş kamera sensorlarının olacağını təsdiqləyir. Ona görə ola bilsin ki, model Pixel 7 Ultra və ya Pixel 7 Pro Plus kimi adlandırıla bilər.
Smartfon, 1440×3120 təsvir ölçülü 120 Hz yeniləmə sürətinə malik LTPO OLED paneli ilə gələcək. Digər tərəfdən, onun ölçüsü 71×155 mm olacaq. Bu, planşet kimi bir cihazın mümkünlüyünü aradan qaldırır.Bundan başqa, smartfonun ekran xüsusiyyətləri cihazın Pixel 6 Pro-ya bənzədiyini göstərir. Qalan xüsusiyyətlər hələlik məlum deyil. Artıq Google da tez-tez yeni cihazlar hazırlayaraq satışa çıxarmaqı məqsədləyir. Eyni zamanda tamamilə fərqli bir ehtimal isə bu smartfonun test üçün hazırlanmış prototip olmasıdır. Bəzən Google, test mərhələsində olan smartfonlarını bazara çıxarmamışdan əvvəl fərqli kod adları ilə sınaqdan keçirir. Google Pixel G10 modeli üçün də eyni hal yaşanmış ola bilər. Əgər belə olarsa smartfon heç vaxt bazara çıxarılmayacaq. Bəs siz bu haqqda nələr fikirləşirsiniz? Cavablarınızı rəylərdə qeyd edə bilərsiniz.
