Samsung brendinin yaxında təqdim edəcəyi flaqman Galaxy Z Fold 6 modelinin render görüntüləri vasitəsi ilə onun necə görünəcəyi məlum olub. Belə ki, bu gün yeni qatlanan flaqman smartfonun render görüntüləri internetdə ortaya çıxıb. Yüksək keyfiyyətli bu görüntülər yeni smartfonun dizaynı barədə fikirlər irəli sürməyə imkan verir.
Ümumiyyətlə, yaz aylarında təqdim edilməsi gözlənilən smartfonun son dövrlərdə tamamilə yenilənəcəyi xəbəri yayılıb. Sızdırılan render görüntülərinin bu dəyişiklikləri və Samsung Galaxy Z Fold 6 modelinin erkən görünüşünü bizlərə təqdim etdiyini deyə bilərik. Qeyd edək ki, yeni smartfon ilk baxışda Galaxy S24 Ultra modelinə bənzəyəcək. Paylaşılan render görüntülərinə görə Z Fold 6 modeli Galaxy Ultra seriyasını xatırladan tamamilə düz dizayna sahib olacaq. Arxa tərəfdə isə LED flaş ilə dəstəklənən üçlü kamera qurğusu yer alır. Bundan əlavə, smartfonun qara rəng seçiminin olduğunu da görürük.
Ortaya çıxan yeni məlumatlara görə, Galaxy Z Fold 6 sələfindən 1,4 mm qısa və 2,6 mm daha geniş olacaq. Bu, hazırkı modellə müqayisədə onun uzunluğunun 153,5 mm və eninin 69,7 mm (qatlanmış) olacağını göstərir. Telefonun qalınlığı isə sələfi ilə eyni qalacaq. Əlavə bir yenilik isə Z Fold 6 modelinin heç bir S-Pen yuvasına sahib olmamasıdır. Hazırda bu dəyişikliyin olub-olmayacağı qeyri-müəyyən olsa da ilkin məlumatlar olmayacağı yönündədir. Qeyd edək ki, smartfonun Snapdragon 8 Gen 4 çipseti, 50+12+10MP kamera, və Galaxy AI sistemi ilə təchiz edilməsi də gözlənilir.
