Uzunmüddətdir yeni texnologiyasını sınaqdan keçirməyə çalışan lakin icazə ala bilməyən Elon Musk nəhayət Neuralink texnologiyasının sınaqları üçün təsdiq alıb. Belə ki, ABŞ qida və dərman idarəsi olan FDA milyarderin yeni texnologiyası üçün yaşıl işıq yandırıb. Ümumiyyətlə Neuralink texnologiyası insan beyninə implantların quraşdırılmasını tələb edir. Bu texnologiyanın uğurlu olması üçün meymunlar üzərində sınaqlar aparılmalıdır. Lakin indiyə qədər dövlət qurumları bu sınaqlara qarşı çıxırdı. Səbəb isə implantların nə dərəcədə təhlükəsiz olduğu bilinmirdi. İndi isə Elon Musk artıq yeni texnologiyanın təhlükəsizliyini isbatlayıb və dövlət qurumlarından sınaqlar üçün icazə alıb.
Elon Musk tərəfindən yaradılan Neuralink texnologiyası insan beynini birbaşa olaraq kompüter ilə əlaqələndirməyi hədəfləyir. Bunun üçün isə insan beyninə kiçik implant quraşdırılır. Nəhayət Neuralink texnologiyasının uğurlu olması üçün vacib bir addım atılıb və insanlar üzərində sınaqların aparılmasına icazə verilib. Bununla bağlı Neuralink özü məlumat yayıb. Hətta onlar uzunmüddətdir ki, FDA ilə sıx əməkdaşlıq etdiklərini bildiriblər. Elon Musk ilk sınaqları 2020-ci ildə edəcəyini açıqlasa da, dövlət qurumların zəruri icazələri ala bilməmişdi.
Nəhayət Elon Musk tərəfindən yaradılan Neuralink texnologiyasının sınaqlarına icazə verilsə də, şirkət hələlik könüllü axtarışına çıxmayıb. Maraqlısı budur ki, donuzlar və meymunlar üzərində aparılan sınaqlar ilə Neuralink komandası artıq insanlar üzərində implant sınaqlarının aparıla bilinəcəyini iddia edirlər. Ümumiyyətlə beyin kəlləsinin deşilərək birbaşa beyinə inteqrasiya edilən implant iflic insanların düşüncə ilə kompüterləri idarə etməsinə, insanların başqaları ilə ünsiyyət qurmasına yardım edəcək. Yəni Neuralink insanların zəifliklərini bərpa edəcək. Xatırladaq ki, ötən il Elon Musk beyninə implant inteqrasiya etmək istədiyini də bildirmişdi. Bununla da milyarder implantların tamamilə təhlükəsiz olduğunu bildirir.
