Bildiyimiz kimi, artıq bu gündən yəni 6 Sentyabr tarixində Almaniyanın döyünən ürəyi hesab olunan Berlin şəhərində ən qədim sənaye yarmarkalarından biri olan IFA 2024 baş tutacaq. Məhz bu il 100 ili tamam olan yarmarkada, Azərbaycan bazarına yeni daxil olmuş Oukitel brendi də iştirak edərək öz cihazlarını nümayiş etdirir.
Ümumiyyətlə, Azərbaycan bazarında rəsmi olaraq smartfonlarını təqdim edən Oukitel brendi hər kəsə əlçatan olan keyfiyyətli modelləri ilə qısa müddətdə diqqətləri cəlb etməyi bacararaq Azərbaycanda yeni bir mərhələyə qədəm qoyub. 2007-ci ildən bu yana fəaliyyət göstərən Çin mərkəzli şirkətin əsas missiyası müasir həyatın tələblərinə cavab verən, texnologiyaya əlçatanlıq təmin edən cihazlar yaratmaqdır. Çinin Shenzhen şəhərində əsası qoyulan Oukitel əsasən möhkəm və dayanıqlı smartfonların istehsalı və satışında dünya miqyasında tanınır. Belə ki, şirkət hazırda Azərbaycan da daxil olmaqla 150-dən çox ölkədə fəaliyyət göstərir və dünya üzrə 100 milyon istifadəçisi var.
Qeyd edək ki, Oukitel-in rəsmi dileri Sabunçu rayonu, şəhər şossesi 34 ünvanında yerləşən StarHome mağazasıdır. Bu smartfonlar həm bu mağazadan, həm də şəhərin digər smartfon satış nöqtələrindən və onlayn olaraq Umico satış platformasından əldə edilə bilər.
Bu il IFA 2024 sərgisində isə şirkət iki möhkəm smartfon nümayiş etdirəcək. Bunlar müvafiq olaraq WP35 və WP30 Pro modelləri. Qeyd edək ki, 14,9 mm-lik çərçivəsi ilə Oukitel WP35 5G modelinin ən çox diqqət çəkən xüsusiyyəti 11.000 mAh batareyası ilə belə dünyanın ən davamlı smartfonu olmasıdır. Dizayn smartfona mürəkkəb və dəbdəbəli toxunuş əlavə edən, həmçinin cihazdan istifadə edərkən istifadəçiyə rahatlıq və təhlükəsizlik təmin edən brilyant naxışlara sahibdir. Android 14 əsaslı WP35 peşəkar keyfiyyətdə fotoşəkillər çəkməyə imkan verən 64 MP əsas kamera və az işıqlı mühitlərdə aydın şəkillər çəkməyə imkan verən 8 MP-lik gecə kamerası ilə təchiz olunub. Smartfon 8 düymlük ekrana 24 GB RAM-a malikdir. Smartfonun digər üstünlükləri arasında enerji sərfiyyatının optimallaşdırılmasına zəmanət verən MediaTek Dimensity 6100+ çipi yer alır.
Oukitel WP30 Pro 5G modeliisə 120 Vt sürətli şarja dəstəkli 11000 mAs batareya həcminə sahib olub. Smartfon 15 dəqiqədə 50% şarj ola bilir. Habelə, bu cihaz çoxfunksiyalı kameralar dəstinə malikdir. Hansı ki, bu cihazda 108 MP əsas, 20 MPvə 5 MP köməkçi kamera sensorları yer alır. Karbon lifli dizayna sahib cihaz istifadəçilərə rahat istifadə imkanı da təqdim edir. Corning Gorilla Glass 5 ilə gücləndirilmiş 1.1 mm qalınlıqda super davamlı ekrana sahib olan cihaz düşmələrə və zərbələrə olduqca davamlı hesab olunur.
