Beləliklə, Apple brendi bu dəfə Magic Mouse üçün yenilik etməyə hazırlaşır. Daha əvvəl istifadəçilər tərəfindən böyük tənqidən məruz qalan Apple, indi Magic Mouseda yer alan şarj portu ilə bağlı yenilik edə bilər.
Bloomberg-dən olan Mark Gurman bildirir ki, Apple şirkəti dizaynı ilə tənqid edilən Magic Mouse-u yeniləyəcək. Ümumiyyətlə, istifadəçilər uzun müddətdir ki, Magic Mouse-un erqonomikasını tənqid edirlər. Bunun əsas səbəbi isə məşhur siçanın uzunmüddətli istifadə üçün narahal olan dizayna sahib olmasıdır. Habelə, bu cihaz ön tərəfdə şarj portu ilə təmin edilməyib və onu şarj etmək üçün siçanı tərsinə çevirməlisiniz. Bu səbəbdən də, şarj edərkən siçandan istifadə etmək mümkün deyil.
Yeni hesabatda bildirilir ki, Apple bu problemi həll edəcək. Bununla belə, Apple-ın yalnız şarj yerini dəyişəcəyi və ya erqonamikanı da yaxşılaşdıracağı məlum deyil. Qeyd edək ki, Apple-ın OLED ekranlı MacBook Pro modelləri ilə birlikdə Magic Mouse 3-ü təqdim etməyi planlaşdırdığı bildirilir. Habelə, analitiklər cihazın şarj portundan əlavə daha fərqli dizayn yenilikləri əldə edəcəyini, eləcə də texnologiya nəhənginin uzunmüddətli istifadə üçün bəzi əlavələr edəcəyini iddia edirlər.
