Beləliklə, Google, Android 16 ilə birlikdə istifadəçilər Dinamik Adaya bənzər canlı bildiriş əldə edəcəklər. Google bu məqsəd ilə yeni Rich Ongoing Notifications xüsusiyyətini təqdim edəcək.
Android Authority tərəfindən Android 15 QPR1 Beta 3 versiyasından əldə edilən məlumata görə, Rich Ongoing Notifications proqramlara status panelində sadəcə bir işarədən daha çoxunu göstərməyə imkan verən yeni API-dir. Bu API isə tətbiqlərə status panelində öz mətni və fon rəngi ilə canlı bildirişlər təqdim etməyə imkan verəcək. Yeni API üçüncü tərəf proqramları üçün Rich Ongoing Notificationshələlik əlçatan olmasa da, Android Authority-dən Mishaal Rahman fərqli interfeysdən istifadə edərək Rich Ongoing Notifications üçün bəzi eskizlər yaratmağı bacarıb. Ekran görüntülərində gördüyünüz kimi, taksi çağıran proqram sizə taksinizin gəlməsinin nə qədər vaxt aparacağını, hava yolu proqramı isə status panelində təyyarəyə minməyə nə qədər vaxt qaldığını göstərə bilər.
Bu xüsusiyyət Apple-dan oğurlanmış kimi görünsə də, status çubuğundakı canlı bildiriş xüsusiyyəti, Apple-ın Dynamic Island təqdim etməsindən bir il əvvəl Android 12 ilə gəlmişdi. Hətta Android 12 ilə telefonda danışarkən zəng müddətinin status çubuğunda göstərilməsi təmin edilmişdi. Bununla belə, Google-un bu funksiyanı bütün tətbiqlər üçün əlçatan etmək qərarına gəlməsində iPhone-un Dinamik Ada xüsusiyyətinin rol oynadığına şübhə yoxdur.
