Amerikada San-Fransisko Polis Departamenti cinayətkarlara qarşı “lazım olduqda” silahlı robotlardan istifadə etmək üçün icazə alıb. Əgər qərar ləğv olunmasa, bu dünyada bir ilk olacaq. Qeyd edək ki, bir müddət əvvəl amerikada polislər, silahlı robotdan istifadə etmək barədə icazə alsa da sonradan isə bu qərar ləğv olunmuşdu. Yenidən təsdiqlənən qərara görə, artıq təhlükə yaradan cinayətkarlar silahlı robotlar ilə zərərsizləşdiriləcək.
Bildiyimiz kimi, Amerikada Polislər lazım olduqda özlərini və ya vətəndaşları müdafiə etmək üçün silahlı şəxsləri öldürmək hüququna malikdir. İndi isə polislərin həyatını təhlükəyə atmaq istəməyən San-Fransisko Polis Departmenti, cinayətkarlara qarşı silahlı robotlardan istifadə edəcək. Qeyd edək ki, əksər texnologiya şirkətinin vətəni hesab olunan Amerikada robotlardan geniş istifadə olunur. Belə ki, Amerikada bəzi restoranlar, şirkətlər hətta inşaatlarda belə robot texnologiyalarında istifadə olunduğunu görmək mümkündür.
Əslində Amerikada polislər çoxdandır robot texnologiyalarından istifadə edir. Belə ki, bomba məhv edən robotları buna misal göstərə bilərik. ABŞ-dakı yeni qərar insanlar arasında müzakirələrə səbəb olub. Hətta qərara qarşı çıxanlar arasında məşhur amerikalı siyasətçi Shamann Walton da var.
Təsdiqlənən qanunda həmçinin San-Fransisko Polis Departamentinin inventarındakı robotların siyahısı təqdim olunub. Onlardan 12-i bomba məhv etmək üçün istifadə olunduğu üçün silah ilə təchiz olunmayıb. Digər 5-i isə qumbaraatan habelə pulemyot ilə təchiz olunub. Qeyd edək ki, bu robotların hərbi standartlara uyğun istehsal olduğu bildirilib.
