Avqust ayına dərc etdiyimiz məqaləni xatırlayırsınızsa Huawei şirkəti gəlirlərini artırmaq üçün böhran rejiminə keçmişdi. Şirkətin 77 yaşlı baş icraçı direktoru Ren Zhengfei öz işçilərinə satışlara yox, gəlirə fokuslanmalarını tapşırmışdı. Ardıyca Mate 50 seriyası smartfonların və yeni məhsulların təqdim edilməsi bu açıqlamaları biraz unutdurdu. Lakin göründüyü qədərilə açıqlamalar unudulsa belə atılacaq addımlar heç də unudulmayıb. Avropa mənşəli mənbələrin verdiyi məlumatlara görə Çinin nəhəng Huawei şirkəti bazardan tamamilə çəkilməyi planlaşdırır. Belə ki, qlobal bazarda Google servisləri olmadan öz tətbiq mağazası və servisləri ilə tutunmağa çalışan Huawei nəticə etibarilə istədiyini əldə edə bilməyib.
Huawei rəhbərləri Avropa bazarında boşuna çaba sərf etməyib, yalnız Çində şirkətin ayaqda qalmasına fokuslanacaq
ABŞ-nin sanksiylarından şirkətin sonra Çin xaricində istədiyi qədər istifadəçi kütləsi toplaya bilmədiyi dəqiqdir. Nəticədə ən yaxşı halda nə qədər öz tətbiq mağazasını inkişaf etdirsə belə, servislərin yetərli olmaması insanlarda narahatlıq yaradır. Nəticədə Avropa bazarında brendə olan tələbatın artması üçün çəkilən əziyyət ciddi bir qarşılıq vermir. Beləliklə Huawei, verilən məlumata görə Avropa bazarından da çəkiləcək.
Qlobal bazar nəzərən baxdıqda isə brend yalnız bəzi ölkələrdəki satış təmsilçilərindən asılı olaraq məhsullarının satışını həyata keçirəcək. Qeydlərə görə Huawei şirkətinin əsas məqsədi bundan sonra yalnız Çində əsasən flaqman modellər ilə bazarda qalmaq olacaq. Digər bir tərəfdən analitiklərin bildirdiyinə görə Rusiya və Ukrayna müharibəsində logistik xərclərin artması və.s da Çinli şirkətin Avropa əlaqələrini müəyyən qədər çətinləşdirdi. Beləliklə, Avropadakı xüsusilə marketinqlə bağlı əsas işçilərini də yavaş-yavaş ixtisar etməyə başlayan Huawei böyük bir ehtimalla 2023-cü ildən Avropa bazarını tərk etmiş olacaq.
